Photos: 'शिवा' मालिकेतील अभिनेता झळकणार आता 'विठ्ठला'च्या रुपात; जाणून घ्या नव्या मालिकेविषयी...

'झी मराठी' वाहिनीवरील 'शिवा' मालिका सध्या लोकप्रियतेच्या शिखरावर आहे. अभिनेता शाल्व किंजवडेकर आणि अभिनेत्री पूर्वा कौशिक यांची प्रमुख भूमिका असलेली 'शिवा' मालिका प्रेक्षकांच्या चांगलीच पसंतीस पडली आहे. 'शिवा' मालिकेत झळकलेला एक अभिनेता आता 'विठ्ठला'च्या रुपात पाहायला मिळणार आहे. 'सन मराठी' वाहिनीवर 'सखा माझा पांडुरंग' नवी मालिका लवकरच प्रेक्षकांच्या भेटीस येणार आहे. 'सखा माझा पांडुरंग' या नव्या मालिकेत संत सखूची अवीट भक्तीगाथा पाहायला मिळणार आहे. १० जानेवारीपासून 'सखा माझा पांडुरंग' मालिका सोमवार ते रविवार सायंकाळी ७.३० वाजता प्रसारित होणार आहे. 'सन मराठी' वाहिनीवरील या नव्या मालिकेत 'शिवा'मधील चंदन म्हणजे अभिनेता तेजस महाजन 'विठ्ठला'च्या रुपात पाहायला मिळणार आहे. 'सखा माझा पांडुरंग' या नव्या मालिकेत तेजस व्यतिरिक्त बालकलाकार स्वराली खोमणे आणि सुनील तावडे असे बरेच कलाकार महत्त्वाच्या भूमिकेत झळकणार आहेत फोटो सौजन्य - सन मराठी, सोशल मिडिया, ग्राफिक्स टीम