Roman Garden in Dombivli Spectacular Tilaknagar Ganeshotsav Mandal

अमृतमहोत्सवी वर्षाकडे वाटचाल करणारे डोंबिवलीचे टिळकनगर सार्वजनिक गणेशोत्सव मंडळ यावर्षी ७३ वा गणेशोत्सव साजरा करत आहे. सलग २२ व्या वर्षी प्रसिद्ध कलादिग्दर्शक श्री संजय शशिकांत धबडे यांनी टिळकनगरच्या बाप्पासाठी रोमन गार्डनचा देखावा उभारला आहे. सुयोग हाँलच्या प्रवेशव्दाराशी असलेल्या कृष्णकमळ व बोगनवेलींच्या कमानी, सजावटीत ठेवलेल्या ६० ते ७० कुंड्या रचून हा मोहक देखावा साकारण्यात आला आहे. रोमन शैलीच्या वास्तू आणि संगीतामुळे केलेली वातावरण निर्मिती यामुळे आपण एखाद्या बागेत फिरायला आल्याचाच आनंद भाविकांना मिळत आहे . बागेतील दोन कमानींचा भाविक सेल्फी पाँइंट सारखा उपयोग करत आहेत मंडळाचे अध्यक्ष श्री सुशिल भावे आणि उत्सव समिती प्रमुख श्री देवेंद्र कुलकर्णी यांनी समस्त डोंबिवलीकरांना बाप्पांच्या दर्शनाचे आणि दि. ७ सप्टेंबर रोजी होणाऱ्या सत्यनारायणाच्या महापूजेच्या तिर्थप्रसादाचे सस्नेह निमंत्रण केले आहे. (सर्व फोटो सौजन्य: संग्रहित)