Avoid Drinking Tea Coffee In Paper Cups

चहा किंवा कॉफीसारखी गरम पेय 'डिस्पोजेबल पेपर कप'मध्ये पिणे आता सर्वसामान्य झाले आहे. याबाबत म्हटले जाते की, असे केल्याने मायक्रोप्लास्टिक कण पोटात जाऊ शकतात, जे आरोग्यासाठी अत्यंत धोकादायक आहेत. अलीकडेच, महाराष्ट्रातील बुलढाणा शहरात जिल्हाधिकारी डॉ. किरण पाटील यांनी पेपर कपवर बंदी घालण्याचे निर्देश दिले. एका निवेदनात त्यांनी दावा केला की, पेपर कप हे कर्करोगाच्या वाढत्या घटनांमागील मुख्य कारण आहे. वोक्हार्ट हॉस्पिटलचे ऑन्कोसर्जन डॉ. तीर्थराज कौशिक यांनी सांगितले की, कपचा कर्करोगाशी थेट संबंध नसला, तरी कप तयार करण्यासाठी वापरण्यात आलेली मायक्रोप्लास्टिक्स किंवा परफ्लुरोआल्काइल पदार्थ या रसायनांमुळे कर्करोग होऊ शकतो. याबाबत अन्नामध्ये मायक्रोप्लास्टिक्स टाळण्यासाठी काही सावधगिरीचे उपाय सांगितले आहेत. ज्यामध्ये काचेची किंवा स्टेनलेस स्टीलची भांडी वापरणे. प्लास्टिकच्या डब्यात अन्न गरम करणे टाळा. मायक्रोवेव्हसाठी सुरक्षित कंटेनर निवडा. एकदा वापरून टाकल्या जाणाऱ्या प्लास्टिकचा वापर कमी करा, असे सुचवले आहे. (सर्व फोटो सौजन्य : Pexels) हेही पाहा : 'या' कारणांमुळे हिवाळ्यात होते सर्दी? अशी घ्या आरोग्याची काळजी