-
उन्हाळ्यात दही आहाराचा एक महत्त्वाचा भाग असतो. काही लोक ते नाश्त्यात खातात, काही जण ते त्यांच्या दुपारच्या जेवणाचा भाग बनवतात आणि अनेकांसाठी, त्यांचे रात्रीचे जेवण दह्याने पूर्ण होते. दही आरोग्यासाठी खूप चांगले आहे. हे कॅल्शियम आणि प्रोटिन्सचा चांगला स्रोत आहे आणि ते खाल्ल्याने पोटाच्या समस्या दूर राहतात.
-
जर दही योग्य प्रकारे सेवन केले नाही तर ते आरोग्यासाठी हानिकारक देखील ठरू शकते. खरंतर काही पदार्थ असे आहेत जे दह्यासोबत खाल्ल्यास पोटापासून त्वचेपर्यंत अनेक समस्या निर्माण होऊ शकतात. न्युट्रिशनिस्ट काय सांगतात, जाणून घेऊ या.
-
तळलेल्या पदार्थांबरोबर : न्युट्रिशनिस्ट सांगतात की दही तळलेल्या आणि तेलकट पदार्थांबरोबर खाऊ नये. आयुर्वेदिक तत्वांनुसार, दही जड असते, तळलेल्या अन्नासोबत खाल्ल्यास ते आणखी जड होते आणि दह्याचे नीट पचन होत नाही
-
शुद्ध मीठ : जर दही शुद्ध मीठ किंवा शुद्ध साखरेसोबत खाल्ले तर ते दह्यामध्ये असलेल्या चांगल्या बॅक्टेरियांना नुकसान पोहोचते.
-
दही आणि काकडी: आयुर्वेदानुसार दही आणि काकडी एकत्र खाऊ नये. याचे कारण असे की जर हे दोन्ही एकत्र खाल्ले तर लाळ निर्माण होऊ शकते. यामुळे सायनसची समस्या देखील उद्भवू शकते.
-
दही आणि मांसाहारी : जर दही मांस किंवा सीफूडसोबत खाल्ले तर पचनसंस्थेला ते पचवणे कठीण होते. म्हणून असे खाणे टाळा.
-
दही आणि फळे : फळांबरोबर दही खाण्यास मनाई आहे कारण फळे हलकी आणि गोड असतात आणि दह्याला तिखट चव असते. आयुर्वेदानुसार, जर दोन्ही एकत्र खाल्ले तर ते पचनसंस्थेला हानी पोहोचवते. यामुळे शरीरात विषारी घटक वाढू शकतात.
-
दह्यासोबत काय खावे ? काळे मीठ किंवा सिंधव मीठ घालून खाऊ शकता. कमी चरबीयुक्त आणि कमी तेलकट पदार्थांसह ते खा. तुम्ही दह्यात दूध घालून त्याचा रायता बनवू शकता आणि ते खाऊ शकता.
५ वर्षांचा संसार मोडला, २९ वर्षीय प्रसिद्ध अभिनेत्रीने घेतला घटस्फोट, थाटामाटात केलेलं लग्न
