-
बंडातात्या कराडकर यांनी उपमुख्यमंत्री अजित पवार आणि खासदार सुप्रिया सुळे यांच्याबद्दल केलेल्या आक्षेपार्ह वक्तव्याबद्दल राष्ट्रवादी काँग्रेसने आज आक्रमक भूमिका घेत पुण्यात आंदोलन केले.
-
राष्ट्रवादी काँग्रेस पक्षाचे शहराध्यक्ष प्रशांत जगताप यांच्या नेतृत्वाखाली आंदोलन करण्यात आले.
-
तर यावेळी बंडा तात्या कराडकर यांच्या फोटोला जोडे देखील मारण्यात आले.
-
राष्ट्रवादी काँग्रेसच्या महिला कार्यकर्त्यांचा देखील या आंदोलनात मोठा सहभाग होता.
-
बंडातात्या कराडकर यांनी साताऱ्यात सुपरमार्केटमध्ये वाइन विक्री करण्याच्या निर्णयाविरोधात आंदोलन करताना दारु तसंच राजकीय नेत्यंसंबंधी वादग्रस्त वक्तव्य केलं होतं.
-
त्यामुळे त्यांच्याविरोधात मोठ्या प्रमाणात रोष व्यक्त करण्यात येत होता. राष्ट्रवादीकडून राज्यभरात आंदोलनं केली जात आहे.
-
पुण्यामध्येही राष्ट्रवादी काँग्रेसने किर्तनामध्ये गातात त्याप्रमाणे अभंगातील ओव्या गाऊन बंडातात्यांविरोधात आंदोलन केलं.
-
“ज्ञानोबा तुकाराम… बंड्याचं डोकं ठिकाणावर आण…”, “बंड्यातात्याचं करायचं काय खाली डोकं वर पाय…” अशा घोषणा देत राष्ट्रवादीच्या कार्यकर्त्यांनी बंड्यातात्यांविरोधात आंदोलन केलं.
-
“वारकरी संप्रदायाचा अपमान करणाऱ्या बंड्यातात्याचा धिक्कार असो”, अशी घोषणाबाजीही यावेळी राष्ट्रवादीच्या कार्यकर्त्यांनी केली.
-
पुणे महापालिकेच्या माजी नगरसेविका आणि राष्ट्रवादी काँग्रेसच्या नेत्या रुपाली पाटील ठोंबरे यांनी बंडातात्या कराड यांच्याविरोधात पुणे न्यायालयात पहिला खटला दाखल केला आहे.
ईदच्या दिवशी विकण्यासाठी आणलेला बकरा मालकाच्या गळ्यात पडून ढसाढसा रडला; काळीज पिळवटून टाकणारा VIDEO व्हायरल
