पुण्यासह महाराष्ट्रातील ‘या’ मतदारसंघांमुळे निवडणूक आयुक्त निराश; नेमकं काय म्हणाले?

दरम्यान, निवडणूक आयुक्त राजीव कुमार यांनी अनेक मतदारसंघांमधील मतदानाचं कमी प्रमाण पाहून चिंता व्यक्त केली. त्यांनी लोकसभा निवडणुकीतील विविध मतदारसंघांमधील मतादानाची टक्केवारी जाहीर करत सुधारणांची आवश्यकता असल्याचं नमूद केलं. ते म्हणाले, “महाराष्ट्रातील शहरी भागांमधील अनेक मतदारसंघांबाबत आम्हाला चिंता आहे. या भागातील मतदारांना आम्ही विनंती करतो की मतदानाच्या दिवशी घराबाहेर पडा आणि मतदानाचा हक्क बजावा, लोकशाहीच्या उत्सहात सहभागी व्हा”.

हे ही वाचा >> Maharashtra Assembly Election 2024 Date Announced : महाराष्ट्र विधानसभेच्या रणसंग्रामाला सुरुवात; वाचा निवडणूक प्रक्रियेचं संपूर्ण वेळापत्रक!

राजीव कुमार म्हणाले, “मतदानाच्या बाबतीत शहरी भागात आम्हाला चांगल्या गोष्टी पाहायला मिळालेल्या नाहीत. देशातील अनेक शहरांमध्ये अशीच स्थिती आहे. नुकत्याच झालेल्या लोकसभा निवडणुकीत गुरुग्राम, फरीदाबाद, हैदराबादमधील जुबिली हिल्स, गुजरातमधील गांधीनगर, बंगळुरू दक्षिण आणि दक्षिण मुंबईतील कुलाबा मतदारसंघात खूप कमी मतदानाची नोंद झाली आहे. तसेच पुणे, ठाणे व डोंबिवलीतही मतदानाची टक्केवारी कमी होती. येथील मतदानाची आकडेवारी सुधारावी यासाठी आम्ही त्या-त्या शहराचे पालिका आयुक्त व विभागीय अधिकाऱ्यांबरोबर बैठका घेऊन येथील मतदानाचं प्रमाण वाढवण्यासाठी काय काय करता येईल याची योजना तयार करणार आहोत. येथील मतदारांना मतदान केंद्रांकडे कसं वळवता येईल यासाठी विशेष प्रयत्न करू. कारण येथील स्थिती पार बरी दिसत नाहीये”.

हे ही वाचा >> Maharashtra Assembly Election 2024 Date Announced : ठरलं! महाराष्ट्र निवडणुकीची तारीख जाहीर, नोव्हेंबर महिन्यातल्या ‘या’ तारखेला निवडणूक, तर निकाल ‘या’ तारखेला

लोकसभेला सर्वात कमी मतदान झालेले विधानसभेचे मदारसंघ