अमिताभ बच्चन यांनी मुंबईत खरेदी केले नवीन घर, 'अशी' आहे ही आलिशान मालमत्ता

अभिनेते अमिताभ बच्चन यांचे नाव सगळ्यात जास्त संपत्ती असणाऱ्या बॉलिवूड अभिनेत्यांच्या यादीत येते. आता पुन्हा एकदा त्यांनी मुंबईत एक आलिशान असं नवीन घर घेतलं आहे. त्यांनी एका गगनचुंबी इमारतीमध्ये १२००० स्क्वेअर फुटांचा फ्लॅट घेतला आहे. पार्थेनॉन सोसायटीच्या ३१ व्या मजल्यावर त्यांनी ही मालमत्ता खरेदी केली आहे. परंतु अमिताभ इथे राहणार नाहीत. त्यांनी गुंतवणुकीसाठी ही मालमत्ता खरेदी केली असल्याचे सांगितले जात आहे. आधीच अमिताभ बच्चन यांची मुंबईत ६ घरं आहेत. १० हजार स्क्वेअर फूटमध्ये पसरलेल्या पहिल्या ‘जलसा’ या बंगल्यात ते त्यांच्या कुटुंबीयांसह राहतात. 'प्रतीक्षा' हे त्यांच्या दुसऱ्या बंगल्याचं नाव आहे. तिथे ते 'जलसा'मध्ये राहायला येण्यापूर्वी त्यांच्या आई-वडिलांसोबत राहत होते. त्यांच्या तिसरा बंगल्याचं नाव 'जनक' आहे. त्या बंगल्यात त्यांचे ऑफिस आहे. 'वत्स' हा त्यांचा चौथा बंगला. तर २०१३ मध्ये त्यांनी 'जलसा' च्या मागे ६० कोटी रुपयांचा बंगला खरेदी केला होता. अमिताभ बच्चन यांनी गेल्या वर्षी एक आलिशान डुप्लेक्स फ्लॅट खरेदी केला होता. अभिनेत्री क्रिती सेनॉनला डुप्लेक्स अपार्टमेंट भाड्याने दिली आहे. त्याचे ते एका महिन्याचे १० लाख रुपये भाडे घेत आहेत. लोखंडवाला रोडवरील अटलांटिस इमारतीच्या २७व्या आणि २८व्या मजल्यावर हा डुप्लेक्स आहे. फोटो सौजन्य : अमिताभ बच्चन (इन्स्टाग्राम)