-
अभिनेत्री अमृता सुभाषने मराठीसह बॉलीवूडमध्ये आपल्या अभिनयाचा ठसा उमटवला आहे.
-
अमृता काही महिन्यांपूर्वी प्रदर्शित झालेल्या ‘लस्ट स्टोरीज २’मधील ‘द मिरर’ या लघुपटात झळकली होती.
-
‘द मिरर’चं दिग्दर्शन कोंकणा सेन शर्माने केलं आहे.
-
या लघुपटात अमृताने घरकाम करणाऱ्या सीमा या महिलेची भूमिका साकारली होती.
-
चित्रपट प्रदर्शित झाल्यावर अमृताने साकारलेल्या सीमा या पात्राचं सर्वत्र कौतुक झालं आणि यामुळेच तिला यंदाच्या नेटफ्लिक्स राउंडटेबलसाठी निमंत्रित करण्यात आलं होतं.
-
या संवादसत्रात अमृताने ‘द मिरर’ या लघुपटाबाबत अनेक खुलासे केले.
-
यामध्ये अमृतासह तिलोत्तमा शोम व श्रीकांत यादव प्रमुख भूमिकेत झळकले होते.
-
‘द मिरर’मध्ये ऑनस्क्रीन पती-पत्नीची भूमिका साकारणारे अभिनेते श्रीकांत व अमृता खऱ्या आयुष्यात एकमेकांचे खूप चांगले मित्र आहेत.
-
अमृता सुभाष व श्रीकांतचे काही इंटिमेट सीन्स या लघुपटात आहेत. अनेक वर्ष एकमेकांचे चांगले मित्र तसेच दोघांची कौटुंबिक ओळख असल्याने दोघंही सीन्स वाचून फार अस्वस्थ होते.
-
अमृताने स्क्रिप्ट वाचून दिग्दर्शिका कोंकणा सेन शर्माकडे काही वेळ मागितला होता.
-
नेटफ्लिक्सच्या राउंडटेबल चर्चासत्रात अभिनेत्री म्हणाली, “तुझ्याबरोबर असे सीन्स मी करू शकत नाही असं श्रीकांतचं म्हणणं होतं. पण, त्यावेळी माझा नवरा संदेश कुलकर्णी जो स्वत: एक उत्तम अभिनेता आणि श्रीकांतचा खूप चांगला मित्र आहे. त्याने आम्हाला दोघांना समजावलं.”
-
“तू एकदम उत्तम काम करशील असं सांगत माझ्या नवऱ्याने श्रीकांतला धीर दिला अन् तो तयार झाला.” असं अमृताने सांगितलं.
-
“‘लस्ट स्टोरीज २’ प्रदर्शित झाल्यावर माझ्या ऑनस्क्रीन नवऱ्याची भूमिका कोणी साकारली याबद्दल मला अनेकांनी मेसेज करून विचारलं आणि श्रीकांतचं कौतुक केलं” असं अमृताने या मुलाखतीत सांगितलं.
-
‘लस्ट स्टोरीज २’मधील भूमिकेसाठी तिला नुकताच फिल्मफेअर ओटीटीचा अवार्ड मिळाला.
-
दरम्यान, अमृता सुभाषच्या कामाबद्दल सांगायचं, झालं तर ‘लस्ट स्टोरीज २’च्या आधी तिने ‘देव’, ‘रमन राघव २.०’, ‘गली बॉल’, ‘धमाका’ अशा चित्रपटांमध्ये महत्त्वाच्या भूमिका केल्या होत्या. (सर्व फोटो सौजन्य : अमृता सुभाष इन्स्टाग्राम)
“अजय देवगण १८ वर्षांपासून माझ्याशी बोलत नाही, माझ्या करिअरमधील सर्वात वाईट…”
