Photos: 'घरोघरी मातीच्या चुली' मालिकेत 'असा' पार पडणार ऐश्वर्या-सारंगचा लग्नसोहळा

स्टार प्रवाहवरील 'घरोघरी मातीच्या चुली' मालिकेत रणदिवे आणि विखेपाटील कुटुंबात सारंग-ऐश्वर्याच्या लग्नाची धामधूम सुरु आहे. खरतर दोन कुटुंबातलं वैर मिटावं म्हणून जानकी-ऋषिकेशने पुढाकार घेत ऐश्वर्या आणि सौमित्रच्या लग्नाचा घाट घातला. मात्र सौमित्रने अवंतिकाबरोबरच लग्न करण्याचं ठरवत ऐन लग्नाच्या धामधूमीत पळून जायचं ठरवलं. संतापलेल्या ऐश्वर्याला सौमित्रबरोबरच लग्न करायचं आहे. त्यासाठी तिने सारंगशी लग्न करण्याचं ठरवत नवा डाव आखला आहे. सौमित्रला किडनॅप करुन ऐन मांडवात सारंग ऐवजी सौमित्रबरोबरचच लग्न करण्याचा तिचा डाव आहे. ऐश्वर्याचा हा डाव यशस्वी होणार का? हे मालिकेच्या पुढील भागांमधून उलगडेल. ऐश्वर्याचं लग्न सौमित्रबरोबर होणार की सारंगबरोबर याची उत्कंठा असली तरी विखेपाटील आणि रणदिवे कुटुंबात लग्नाची तयारी सुरु झाली आहे. हळद, मेहंदी, संगीत आणि लग्न सगळं काही अगदी साग्रसंगीत पार पडणार आहे. हळदीच्या कार्यक्रमासाठी खास पाहुणी म्हणून 'ठरलं तर मग' मालिकेतली सायली येणार आहे. मेहंदी, संगीत आणि लग्नातही स्टार प्रवाह परिवारातले सदस्य खास हजेरी लावणार आहेत. (सर्व फोटो सौजन्य : स्टार प्रवाह/इन्स्टाग्राम) (हेही पाहा : बॉलिवूडच्या 'धक धक गर्ल'चं काळ्या फ्लोरल लेहेंग्यात सुंदर फोटोशूट)