Photos: 'महाराष्ट्राची हास्यजत्रा' फेम पृथ्वीक प्रतापची २०२४मधील खास आठवण माहितीये का? पाहा फोटो

‘महाराष्ट्राची हास्यजत्रा’ कार्यक्रमातून आपल्या विनोदी शैलीने प्रेक्षकांची मनं जिंकणारा पृथ्वीक प्रताप नेहमी चर्चेत असतो. सोशल मीडियावर पृथ्वीकचे मजेशीर व्हिडीओ कायम व्हायरल होतं असतात. काही महिन्यांपूर्वी पृथ्वीक लग्नबंधनात अडकला. २५ ऑक्टोबरला अभिनेत्याने प्राजक्ता वायकूळ हिच्याशी लग्नगाठ बांधून आयुष्याच्या नव्या प्रवासाला सुरुवात केली. पृथ्वीक आणि प्राजक्ताचं नोंदणी पद्धतीने लग्न केलं. आता दोघांच्या लग्नाला दोन महिने पूर्ण झाले आहेत. पण,पृथ्वीक प्रतापची २०२४ वर्षातील खास आठवण तुम्हाला माहितीये का? काही दिवसांपूर्वी पृथ्वीक प्रतापने इन्स्टाग्रामवर 'आस्क मी' सेशन घेतलं होतं. यावेळेस त्याच्या चाहत्यांनी अनेक प्रश्न विचारले होते. एका चाहत्याने २०२४मधील सुंदर आठवण कोणती? असं विचारलं होतं. त्या चाहत्याच्या प्रश्नाला उत्तर देत पृथ्वीकने आई आणि पुतणीचा फोटो शेअर केला आणि लिहिलं होतं, "या दोन गोड व्यक्ती स्वतःच्या घरात येताना." सर्व फोटो सौजन्य - पृथ्वीक प्रताप इन्स्टाग्राम