Benefits of lemon peel keeps both body and home clean know How to use for cleansing

लिंबाचे अनेक फायदे आपण आजवर ऐकले असतील. पण कडवट चवीच्या लिंबाच्या सालीतही कमालीचे गुण आहेत हे तुम्हाला ठाऊक आहे का? घरातील स्वच्छता ते शरीराची निगा राखण्यापर्यंत रोजच्या समस्यांसाठी लिंबाच्या साली अशा वापरून पहा. किचनची स्वच्छता करताना लिंबाची साल वापरून पाहा. शेगडीवरचे डाग, किचनच्या भिंतीवर उडालेल्या तेलाचे डाग सर्व काही क्षणात गायब करण्यासाठी लिंबाची साल, व्हाईट व्हिनेगर व पाणी मिक्स करून डागांवर लावा. घरातील कुबट वास घालवण्यासाठी लिंबूची साल किसून व्हिनेगर व पाण्यासह मिश्रण तयार करा, हे पाणी घरभर स्प्रे करून घरात फ्रेश सुगंध पसरवू शकता. लिंबाची साल आरोग्यासाठीही गुणकारी आहे. लिंबाच्या सालीचा चहा तुम्हाला अपचनावर समाधान ठरू शकतो. विशेषतः मधुमेहींसाठी हा चहा उत्तम आहे. लिंबाच्या सालीचा चहा बनवण्यासाठी उकळत्या पाण्यात चहा पावडर, सैंधव मीठ व काळीमिरी टाकून चहा बनवा. पित्त, अपचन, बद्धकोष्ठ यावर हे गुणकारी ठरते. घरात मुंग्या येत असतील तर त्या जिथून येतात तिथे लिंबाची साल ठेवावी, मुंग्या किंवा इतर छोट्या कीटकांचा त्रास कमी होतो. जेवणात लिंबाची साल वापरताना किसून वापरा. यामुळे जेवण चवीलाही उत्तम होते तसेच जास्त वेळ टिकून राहते. संशोधकांच्या माहितीनुसार, लिंबाच्या सालीमध्ये बॅक्टेरियाच्या वाढीस प्रतिबंध करणारे गुणधर्म असतात ज्यामुळे तोंड येणे, ओठावर फोड येणे असे आजार होत नाहीत.