Kunal Kamra gets interim protection from Bombay High Court, know his lawyers arguments

कुणाल कामरावरील गुन्हे मागे घेण्याच्या याचिकेवर मुंबई हायकोर्टात काल (१६ एप्रिल) सुनावणी झाली. "कुणाल कामराचे तुकडे करण्याची धमकी देण्यात आली आहे", असा युक्तिवाद कुणाल कामराच्या वकिलांनी केला आहे. या सुनावणी दरम्यान कुणाल कामरा याच्या वकिलांनी उपमुख्यमंत्री अजित पवार यांनी ते महायुतीत येण्यापूर्वी केलेल्या विधानांचाही दाखला दिला. कामराचे वकील म्हणाले “गद्दारांना धडा शिकवला पाहिजे असे अजित पवार म्हटले होते. त्यावेळी त्यांच्यावर कोणताही गुन्हा दाखल झाला नाही. त्यांची कोणी तक्रार केली नाही.” “याचबरोबर महाराष्ट्र विधानसभा निवडणुकीच्या प्रचारात उद्धव ठाकरे यांनीही शिंदे आणि त्यांच्याबरोर गेलेल्या आमदारांना गद्दार म्हटले होते”, असे कुणाल कामराचे वकील म्हणाले कोर्ट काय म्हणाले?यात कुणाल कामराच्या जीवाला जर धोका असेल तर त्याला मुंबईत जबाब नोंदवायला का बोलवता? अशी विचारणा मुंबई उच्च न्यायालयाने पोलीसांना केली. तसेच जबाब नोंदवण्यासाठी कुणाल कामराच्या अटकेची गरज नाही. तामिळनाडूमध्ये कुणाल जबाब नोंदवू शकतो, असे न्यायालयाने म्हटले आहे. उपमुख्यमंत्री एकनाथ शिंदेंवर विडंबनात्मक गाणे बनवल्याने कुणालवर गुन्हा दाखल आहे. (सर्व फोटो- लोकसत्ता संग्रहित)