हरमनप्रीत-लॉराचं फायनलपूर्वी विश्वचषकाच्या ट्रॉफीबरोबर हटके फोटोशूट, पाहा Photos

महिला एकदिवसीय विश्वचषक २०२५ मधील अंतिम सामना भारत आणि दक्षिण आफ्रिका महिला संघांमध्ये खेळवला जाणार आहे. दक्षिण आफ्रिका महिला संघाने सेमीफायनल सामन्यात इंग्लंडचा एकतर्फी पराभव अंतिम फेरी गाठली. या सामन्यात कर्णधार लॉरा वुल्फार्ट हिने शतकी खेळी केली. भारतीय संघाने ७ वेळा वर्ल्ड चॅम्पियन ठरलेल्या ऑस्ट्रेलिया संघावर ऐतिहासिक विजय मिळवत अंतिम सामन्यात धडक मारली. जेमिमा रॉड्रीग्जने या सामन्यात शतकी खेळी केली. सेमीफायनल सामन्यात जेमिमा रॉड्रीग्जने कर्णधार हरमनप्रीत कौर आणि इतर फलंदाजांच्या मदतीने नाबाद शतकी खेळी करत संघाच्या विजयात मोलाची भूमिका बजावली. भारतीय महिला संघ महिला विश्वचषकाच्या इतिहासात तिसऱ्यांदा अंतिम सामन्यात पोहोचला आहे. त्यामुळे यंदा संघ ट्रॉफी पटकावणार का यावर सर्वांच्या नजरा आहेत. महिला एकदिवसीय विश्वचषक २०२५ च्या अंतिम सामन्यापूर्वी कर्णधारांचं ट्रॉफीबरोबर फोटोशूट झाल्याचे फोटो शेअर करण्यात आले आहेत. भारताची कर्णधार हरमनप्रीत कौर आणि दक्षिण आफ्रिकेची कर्णधार लॉरा वुल्फार्ट यांनी महिला विश्वचषकाच्या ट्रॉफीबरोबर शूट केलं आहे. नवी मुंबईतील डी वाय पाटील स्टेडियममध्ये हा अंतिम सामना खेळवला जाणार असून शेजारी असलेल्या कोर्टयार्ड हॉटेसच्या टेरेसवर हे फोटोशूट करण्यात आलं आहे. (फोटो सौजन्य - @BCCI Women, @Proteas Woman)