'विनोदाची राणी' लवकरच होणार आई | marathi comedy actress Prajakta Hanamghar Baby Shower photos sdn 96

'शेजारी शेजारी पक्के शेजारी', 'फू बाई फू' आणि 'कॉमेडीची जीएसटी' या कार्यक्रमांमुळे घराघरात पोहोचलेली अभिनेत्री म्हणजे प्राजक्ता हनमघर.प्राजक्ताच्या विनोदी अंदाजाने आणि अनोख्या अभिनय कौशल्याने आजवर प्रेक्षकांचं बरंच मनोरंजन केलं आहे.प्राजक्ता लवकरच आई होणार आहे.प्राजक्ताच्या घरी नव्या पाहुण्याचे आगमन होणार आहे.काही दिवसापूर्वीच तिच्या डोहाळजेवणाचा कार्यक्रम पार पडला.या सोहळ्याचे फोटो प्राजक्ताने तिच्या इन्स्टाग्रामवर शेअर केले आहेत.प्राजक्तावर चाहत्यांकडून आणि सेलिब्रिटींकडून कौतुकाचा व शुभेच्छांचा वर्षाव होत आहे.२०१७ मध्ये रजत ढाळेसोबत प्राजक्ताने लग्न केले.रजत मुळचा धुळ्याचा असून, सध्याच्या घडीला पुण्यात एका प्रतिष्ठित कॉर्पोरेट कंपनीत कामाला आहे. 'एका लग्नाची दुसरी गोष्ट' या मालिकेतील प्राजक्ताची भूमिका विशेष गाजली होती.विनोदाचं टायमिंग, अफलातून संवादकौशल्य आणि अभिनय शैली या गोष्टींमुळे प्राजक्ता ओळखली जाते.नऊवारी साडीपासून ते अगदी सर्वसामान्य महिलेच्या भूमिकेतही ती प्रभावीपणे आपली कला सादर करत आहे.(सर्व फोटो सौजन्य : प्राजक्ता हनमघर / इन्स्टाग्राम)