Photos: ज्युनियर एनटीआरच्या 'देवरा' चित्रपटातील श्रुती मराठेचा लूक आला समोर, पाहा फोटो

बिग बजेट ‘देवरा: पार्ट १’ चित्रपटाची सध्या प्रेक्षक आतुरतेने वाट पाहत आहेत. दाक्षिणात्य सुपरस्टार ज्युनियर एनटीआर व जान्हवी कपूरची प्रमुख भूमिका असलेल्या ‘देवरा: पार्ट १’ चित्रपट २७ सप्टेंबरला प्रदर्शित होत आहे. 'देवरा' चित्रपटाच्या माध्यमातून जान्हवी कपूर दाक्षिणात्य सिनेसृष्टीत पाऊल ठेवत आहेत. ३०० कोटींचं बजेट असलेल्या ‘देवरा: पार्ट १’ चित्रपटात एक लोकप्रिय मराठी अभिनेत्री श्रुती मराठे झळकणार आहे. काही दिवसांपूर्वी श्रुतीने 'देवरा' चित्रपटाच्या डबिंगचे फोटो शेअर केले होते. त्यानंतर आता श्रुतीने 'देवरा' चित्रपटातील लूकचे फोटो शेअर केले आहेत. कोराताला शिवा लिखित, दिग्दर्शित ‘देवरा: पार्ट १’ चित्रपटात श्रुती मराठे महत्त्वाच्या भूमिकेत झळकणार आहे. 'देवरा' चित्रपटातील लूकचे फोटो शेअर करत श्रुतीने खूप उत्सुक असल्याचं कॅप्शनमध्ये लिहिलं आहे. बहुचर्चित आणि बहुप्रतीक्षित देवरा चित्रपट तेलुगू, हिंदी, तमिळ, कन्नड या भाषांमध्ये प्रदर्शित होणार आहे. दरम्यान, याआधीही श्रुतीने बऱ्याच दाक्षिणात्य चित्रपटात काम केलं आहे. ( सर्व फोटो सौजन्य - श्रुती मराठे इन्स्टाग्राम आणि ग्राफिक्स टीम )