हरियाणा मतदारसंघ यादी

दर पाच वर्षांनी महाराष्ट्र विधानसभा निवडणुकीबरोबरच हरयाणा विधानसभा निवडणुकीसाठीही मतदान होतं. ९० आमदारांच्या या विधानसभेची यंदाची मुदत ३ नोव्हेंबर २०२४ रोजी संपुष्टात येत आहे. ऑक्टोबर २०१९ मध्ये पार पडलेल्या निवडणुकांमध्ये भारतीय जनता पक्ष आणि जननायक जनता पक्षाच्या युतीचं सरकार राज्यात अस्तित्वात आलं आणि मनोहरलाल खट्टर भाजपाचे मुख्यमंत्री झाले. याच वर्षी मार्च महिन्यात हरयाणात राजकीय भूकंप झाला. युतीमधील मतभेदांमुळे जननायक पक्ष सरकारमधून बाहेर पडला आणि मनोहरलाल खट्टर सरकार कोसळलं. मात्र, अपक्ष आमदारांच्या पाठिंब्यावर पुन्हा एकदा भाजपाच्या नायब सिंह सैनी यांनी मुख्यमंत्रीपदाची शपथ घेतली.