Mumbai News Updates : मुंबई लोकल दुर्घटनेत बुलढाणा जिल्ह्यातील युवक! मुंबई पोलीस दलात होता कार्यरत

Mumbai Pune Nagpur News Updates 09 june 2025: मुंबईजवळ दिवा-मुंब्रा रेल्वेस्थानकांच्या दरम्यान मोठी दुर्घटना घडली आहे. कसाऱ्याहून छत्रपती शिवाजी महाराज टर्मिनसला जणाऱ्या लोकल रेल्वेगाडीतून पडून पाच प्रवाशांचा मृत्यू झाला आहे. लोकलमधील प्रचंड गर्दीमुळे काही प्रवासी डब्याच्या दरवाज्यात लोंबकळत होते. त्याचवेळी लखनौला जाणारी पुष्पक एक्सप्रेस लोकलच्या बाजूने जात होती. या एक्सप्रेसला घासून लोकलच्या दरवाजात उभे असलेले प्रवासी खाली पडले असं प्रत्यक्षदर्शींनी सांगितलं. तसेच,कोकणासह मध्य महाराष्ट्रातील काही भागात पुढील चार ते पाच दिवस विजांसह पावसाचा अंदाज हवामान विभागाने व्यक्त केला आहे. उर्वरित भागात हलक्या ते मध्यम सरींची शक्यता वर्तविण्यात आली आहे. दरम्यान, विदर्भ तसेच मराठवाड्यात पावसाने उघडीप दिल्याने तापमानाचा पारा चाळीशीपार पोहोचला आहे.

या घडामोडींची तसेच मुंबई, पुणे, नागपूर या महत्वाच्या विविध शहरातील, परिसरातील ताज्या घडामोडींची माहिती या लाईव्ह ब्लॉगच्या माध्यमातून जाणून घ्या..