मलायका अरोराला व्हायचं होतं शिक्षिका; पन्नाशीतही सुपरफिट, आणि हॉट दिसणाऱ्या अभिनेत्रीबद्दल 'या' गोष्टी ठाऊक आहेत का?

फिटनेसच्या बाबतीत प्रचंड जागरूक असलेली अभिनेत्री मलायका अरोरा सोशल मीडियावर नेहमीच काही ना काही कारणाने चर्चेत असते. आपल्या याच फिटनेसने कित्येकांना भुरळ पाडणारी ही बॉलिवूडची सुपरफिट अभिनेत्री आज तिचा ५० वा वाढदिवस साजरा करत आहे. मलायका अरोरा ही उत्तम मॉडेल, आणि डान्सरदेखील आहे. याबरोबरच योगामध्येही ती निपुण आहे. सोशल मीडियावर आणि खासकरून इंस्टाग्रामव मलायकाचे हॉट जीम लुक आणि योगा लुक व्हायरल होत असतात. आज मलायका विषयी आपण काही भन्नाट गोष्टी जाणून घेणार आहोत. मलायका अरोराची आई जॉयस पॉलीकार्प मल्याळी कॅथलिक आहे आणि तिचे वडील अनिल अरोरा फाजिल्का पंजाबी आहेत. लहानपणापासूनच मलायकाला मॉडेल नव्हे तर शिक्षिका बनण्यात फार रुचि होती. आपल्या शालेय दिवसांत मलायकाने सायकोलॉजीचं शिक्षण घेतलं होतं. तिला आधीपासूनच मॉडेल म्हणून करिअर घडवण्यात काहीही रस नव्हता. उलट तिला सायकोलॉजीचं आणखी जास्त शिक्षण घेऊन त्या विषयाची उत्तम शिक्षिका बनायचं होतं. मलायका ही एमटीव्ही इंडियाच्या पहिल्या व्हिडीओ जॉकीज पैकी एक आहे. ९० च्या दशकात एका कॉफीच्या जाहिरातीच्या चित्रीकरणादरम्यान तिची अरबाज खानशी ओळख झाली. तेव्हा ती जाहिरात आणि त्यात या दोघांमधील केमिस्ट्री जबरदस्त चर्चेत आली. यानंतर ते एकमेकांच्या प्रेमात पडले व त्यांनी लग्न करण्याचा निर्णय घेतला. चेंबुरच्या स्वामी विवेकानंद शाळेतून मलायकाचं शालेय शिक्षण पूर्ण झालं. मलायका ११ वर्षांची असतानाच तिच्या आई वडिलांचा घटस्फोट झाला होता. यामुळे लहानपणापासूनच ती एका मुलीसारखी नव्हे तर एका मुलासारखीच वावरायची. नंतर बहिणीची जबाबदारीसुद्धा आपसूक तिच्यावरच आली अन् तिने मॉडेलिंगमध्ये करिअर करायचं ठरवलं. यानंतर हळूहळू तिने बॉलिवूडमध्ये आयटम गर्ल म्हणून एंट्री घ्यायला सुरुवात केली. शाहरुख खानच्या 'दील से' चित्रपटातील 'छैया छैया' या गाण्यातून मलायकाला खरी ओळख मिळाली. (फोटो सौजन्य : मलायका अरोरा / इंस्टाग्राम)