PHOTOS: व्हॅलेंटाईन्सनिमित्त जान्हवी कपूरचा स्पेशल लूक, लाल कॉर्सेट ड्रेसची चर्चा

अभिनेत्री जान्हवी कपूर तिच्या अभिनयासह फॅशनेबल लूक्समुळेही चर्चेत असते. अभिनय क्षेत्रासह वैयक्तिक आयुष्यातल्या गोष्टी ती तिच्या सोशल मीडियावर शेअर करत असते. सध्या व्हॅलेंटाईन वीक सुरू आहे आणि अनेक सेलिब्रिटीज त्यांचे लूक्स शेअर करताना दिसत आहेत. अलीकडेच जान्हवीने व्हॅलेंटाईन्सच्या निमित्ताने तिच्या इन्स्टाग्राम अकाउंटवर एक पोस्ट शेअर केली आहे. या फोटोंना 'व्ही डे एनर्जी' असं कॅप्शन तिने दिलं आहे. जान्हवी लाल रंगाच्या लेस सॅटीन कॉर्सेट मॅक्सी ड्रेसमध्ये आकर्षक दिसत आहे. ट्रेडिंग असलेल्या कॉर्सेट ड्रेसची निवड करत जान्हवीने मेकअपसाठी मिनिमल विंटर ब्लश लूक ठेवला आहे. लाल रंगाची लिपस्टिक, मिनिमल ब्लश आणि आयशॅडो, मस्कारा या मेकअप लूकमध्ये ती अतिशय सुंदर दिसत आहे. फोटोंमध्ये ती तिचे फ्रेकल्स फ्लॉंट करतानाही दिसत आहे. दरम्यान जान्हवीच्या आगामी चित्रपटांबद्दल बोलायचं झालं तर 'बडे मिया छोटे मिया' 'तख्त' या चित्रपटांत ती झळकणार आहे. तसेच आगामी चित्रपट 'देवरा' याद्वारे जान्हवी तेलुगू चित्रपटसृष्टीत पदार्पण करत आहे.