Latest Photo Galleries, Trending Viral Photos | Entertainment and Celebrity Pictures | Lifestyle, Sports, Travel, Health, News Photo Galleries

मुंबईतील करोनास्थिती आटोक्यात येत असल्याचे दिसत असून मंगळवारी केवळ ७०० नव्या रुग्णांची नोंद झाली.चोवीस तासांतील बाधितांचा हा गेल्या १०० दिवसांतील सर्वात कमी आकडा आहे.मुंबईत करोनाग्रस्त रुग्णांची वाढती संख्या पाहता महापालिका आणि आरोग्य विभागाने करोना चाचण्यांचं प्रमाण वाढवलं आहे.मुंबईच्या मानखुर्द भागात चिल्ड्रन्स होममध्ये नुकतीच लहान मुलांची करोना चाचणी करण्यात आली. (सर्व छायाचित्र - अमित चक्रवर्ती)काही दिवसांपूर्वी याच चिल्ड्रन्स होममधून काही मुलांना करोनाची लागण झाल्याचं समोर आलं होतं.सध्या मुंबईत दिवसभरात जेवढय़ा चाचण्या केल्या जातात त्यापैकी बाधित असणाऱ्यांचे प्रमाण केवळ १५ ते २० टक्के इतके आहे.सुरुवातीच्या काळात केवळ तीन परिमंडळांमध्ये प्रतिजन चाचण्या केल्या जात होत्या. त्यांचे प्रमाण संपूर्ण शहरात वाढवण्यात आले असून सध्या दररोज साडेसहा ते साडेआठ हजार चाचण्या केल्या जात आहेत.या चाचण्यांची संख्या १२ हजारांपर्यंत नेण्याचे उद्दिष्टही पालिका प्रशासनाने ठेवले आहे.दिवसभरात केल्या जाणाऱ्या या चाचण्यांमध्ये काही दुबार चाचण्यांचाही समावेश असून साधारण ४ टक्के चाचण्या या मुंबईबाहेरील रुग्णांच्याही आहेत, अशी माहिती अधिकाऱ्यांनी दिली.दरम्यान, शहरातील झोपडपट्टयांमध्ये सुमारे ५७ टक्के आणि बिगरझोपडपट्टी भागांत सुमारे १६ टक्के रहिवाशी संसर्गमुक्त होऊन त्यांच्या शरीरात प्रतिपिंडे तयार झाल्याचा निष्कर्ष या सर्वेक्षणाने नोंदवला आहे.पालिकेच्या नोंदीनुसार, या भागांतील निदान झालेल्या रुग्णांमधील मृत्यूदर सुमारे पाच ते सहा टक्के तर निदान न झालेल्या रुग्णांमधील मृत्यूदर हा कमी म्हणजेच ०.०५ ते ०.१० टक्के आहे.