मतदारसंघ यादी

छत्तीसगडमधील विधानसभेची मुदत पुढच्या वर्षी ३ जानेवारी २०२४ रोजी संपुष्टात येत आहे. त्याआधी ७ नोव्हेंबर ते १७ नोव्हेंबर या दहा दिवसांमध्ये छत्तीसगडमध्ये विधानसभेच्या एकूण ९० जागांसाठी मतदान होणार आहे. या जागांमध्ये १० जागा अनुसूचित जाती, तर २९ जागा अनुसूचित जमातीच्या प्रतिनिधींसाठी राखीव ठेवण्यात आल्या आहेत. मतदानाचा निकाल ३ डिसेंबर २०२३ रोजी जाहीर केला जाईल. सध्या छत्तीसगडमध्ये काँग्रेसची एकहाती सत्ता आहे. या राज्यामध्ये जवळपास दोन कोटींपेक्षा जास्त मतदार आपला मतदानाचा हक्क बजावण्यासाठी पात्र आहेत. २०१८ मध्ये काँग्रेस पक्षाने छत्तीसगड विधानसभा निवडणुकीमध्ये ९० पैकी ६८ जागा जिंकत बाजी मारली होती. तर भाजपाला अवघ्या १५ जागांसह दुसऱ्या स्थानावर समाधान मानावे लागले होते. सध्या छत्तीसगडमध्ये काँग्रेस आणि भारतीय जनता पक्षामध्ये थेट लढत आहे. मात्र असे असले तरीही, छत्तीसगडच्या राजकारणामध्ये पदार्पण करण्याच्या प्रयत्नात असलेल्या आम आदमी पक्षाकडेही सर्वांचे लक्ष आहे.