Bihar Election Poll 2025 Dates and Schedule: निवडणूक आयुक्त ज्ञानेश कुमार यांनी जाहीर केल्यानुसार यावेळी बिहारची निवडणूक दोन टप्प्यांमध्ये पार पडेल. ६ नोव्हेंबर (गुरुवार) व ११ नोव्हेंबर (मंगळवार) रोजी अनुक्रमे पहिल्या व दुसऱ्या टप्प्यातील मतदान प्रक्रिया राबवली जाईल. १४ नोव्हेंबर रोजी मतमोजणी होईल. १६ नोव्हेंबरआधी निवडणुकीची सर्व प्रक्रिया पूर्ण केली जाईल.

अशी पार पडेल निवडणूक…

पहिल्या टप्प्यासाठी १० ते १७ ऑक्टोबरदरम्यान उमेदवारी अर्ज दाखल करता येतील. तर, दुसऱ्या टप्प्यासाठी १३ ते २० ऑक्टोबरपर्यंत उमेदवारी अर्ज दाखल करता येतील. १८ ऑक्टोबरपर्यंत पहिल्या टप्प्यातील उमेदवारी अर्जांची पडताळणी केली जाईल, तर २१ ऑक्टोबरपर्यंत दुसऱ्या टप्प्यातील उमेदवारी अर्जांची पडताळणी पार पडेल. पहिल्या टप्प्यातील उमेदवारी अर्ज मागे घेण्यासाठी २० ऑक्टोबर तर, दुसऱ्या टप्प्यातील अर्ज मागे घेण्यासाठी २३ ऑक्टोबर ही अंतिम तारीख असेल.

निवडणूक आयुक्त ज्ञानेश कुमार म्हणाले, “आम्ही बिहारच्या राजकारण सक्रीय असलेल्या सर्व पक्षाच्या प्रमुख नेत्यांना, प्रशासकीय अधिकाऱ्यांना, पोलीस अधिकाऱ्यांना भेटलो, त्यांच्या सूचना घेतल्या आणि निवडणुकीचा आराखडा तयार केला आहे. आम्ही बिहारच्या जनतेला सांगू इच्छितो की यावेळी बिहारची निवडणूक केवळ बिहारमधील मतदारांसाठीच सोपी नसेल तर अधिकाऱ्यांसाठी देखील सुलभ असेल. कायदा व सुव्यवस्थेवर पूर्ण लक्ष ठेवलं जाईल. यावेळची निवडणूक ही पूर्णपणे पारदर्शक व शांततापूर्ण वातावरणात पार पडेल.”

बिहारमध्ये ४० जागा राखीव

बिहारमध्ये विधानसभेच्या एकूण २४३ जागा आहेत. यापैकी २०३ जागा खुल्या प्रवर्गासाठी आहेत. तर, ३८ जागा अनुसूचित जातींसाठी राखीव ठेवण्यात आल्या आहेत. अनुसूचित जमातींसाठी दोन जागा राखीव आहेत.

बिहारमध्ये ७.४३ कोटी मतदार

बिहार राज्यात ७.४३ कोटी मतदार असून यामध्ये ३.८२ कोटी पुरुष व ३.५० कोटी महिला मतदार आहेत. यासह १७२५ तृतीयपंथी मतदार आहेत. एकूण मतदारांपैकी ४ लाख मतदारांचं वय ८५ पेक्षा जास्त आहे. राज्यात १४.०१ लाख नवमतदार असून १.६३ कोटी मतदार २० ते २८ वर्षे वयोगटातील आहेत.

दिल्ली विधानसभा निवडणूक २०२५ वेळापत्रक

ताज्या बातम्या

Election Schedule 2025

Phase 1

निवडणूक बातम्या

चर्चेतले मतदारसंघ

Election Archive

सर्वाधिक वाचलेले

सत्ताकारण

अशी पार पडेल निवडणूक…

बिहारमध्ये ४० जागा राखीव

बिहारमध्ये ७.४३ कोटी मतदार