Maharashtra Politics News Updates: लोकसभा निवडणुका जाहीर झाल्यानंतर राज्यातील राजकीय घडामोडींना वेग आला आहे. एकीकडे महायुतीमध्ये मनसेच्या समावेशाची जोरदार चर्चा पाहायला मिळत आहे. राज ठाकरे व अमित शाह यांच्यातील बैठकीमुळे या चर्चेला अधिकच खतपाणी घातलं गेलं आहे. तर दुसरीकडे महाविकास आघाडीमध्ये प्रकाश आंबेडकरांच्या समावेशावरील प्रश्नचिन्ह अद्याप कायम आहे. त्यातच प्रकाश आंबेडकर व प्रणिती शिंदे यांच्यात सोलापूरच्या जागेवरून अहमहमिका निर्माण झाल्याचं दिसू लागलं आहे.
Maharashtra Live News Updates 20 March 2024: लोकसभा निवडणुकांसंदर्भातील सर्व महत्त्वाच्या घडामोडी एका क्लिकवर
चंद्रपूर : पंतप्रधान नरेंद्र मोदी यांनी जगातील सर्वांत जास्त वाघ असणाऱ्या ताडोबाचा ‘मन की बात’मध्ये उल्लेख केला. आता जिल्ह्यातील वाघांचे प्रतिनिधित्व करीत, ‘आम्ही मागास नाही’, अशी डरकाळी लोकसभेत फोडायची आहे, असा निर्धार व्यक्त करीत चंद्रपूर-वणी-आर्णी लोकसभा मतदारसंघाचे भाजप उमेदवार सुधीर मुनगंटीवार यांनी मतदारांना भावनिक साद घातली.
नागपूर : ‘जिगोलो’ बनण्याचे आमिष दाखवून सायबर गुन्हेगारांनी एका युवकाला जाळ्यात ओढले. सुंदर महिलांचे छायाचित्र पाठवून त्याच्याकडून साडेचार लाख रुपये उकळले. फसवणुकीचा हा नवा प्रकार बेलतरोडी पोलिस ठाण्याअंतर्गत उघडकीस आला.
पुणे : जिल्हा निवडणूक शाखेकडून शहरासह जिल्ह्याची अंतिम मतदार यादी प्रसिद्ध करण्यात आली आहे. तसेच उमेदवारी अर्ज दाखल करायच्या शेवटच्या दिवसाच्या दहा दिवसांपूर्वीपर्यंत नाव नोंदविण्याची मुभा आहे.
नाशिक : मखमलाबादजवळील वडजाईमाता नगरात बिबट्याच्या मुक्त संचाराची घटना ताजी असतानाच सावरकरनगरच्या गोदा काठावरील आसारामबापू आश्रम परिसरात बिबट्या दिसला. माहिती मिळताच पोलिसांसह वन विभागाच्या पथकाने धाव घेतली. परिसरात भ्रमंती करणाऱ्या नागरिकांना सावधगिरीची सूचना देण्यात आली.
पुणे : प्रेमप्रकरणातून शाळकरी मुलावर कोयत्याने वार करून खून करण्यात आल्याची घटना घेरा सिंहगड परिसरातील मणेरवाडीत घडली. याप्रकरणी हवेली पोलिसांनी दोन शाळकरी मुलांना ताब्यात घेतले असून, प्रेमप्रकरणातून शाळकरी मुलाचा खून झाल्याची माहिती प्राथमिक तपासात मिळाली आहे.
नाशिक : शहरातील महात्मा गांधी रस्त्यावरील भ्रमणध्वनी साहित्य व दुरुस्तीच्या बाजारपेठेत परप्रांतीय आणि स्थानिक मराठी व्यावसायिकांमध्ये वादाची ठिणगी पडली आहे. घाऊक आणि किरकोळ स्वरुपात साहित्य विकणाऱ्या परप्रांतीय व्यावसायिकांनी भ्रमणध्वनी दुरुस्तीतही शिरकाव केल्यामुळे हे काम आधीपासून करणाऱ्या मराठी तरुणांच्या रोजगारावर गदा आल्याचा आरोप होत आहे.
अलिबाग : मतदार जागृतीसाठी शालेय विद्यार्थ्यांकडून पत्र लिहून त्यावर पालकांच्या सह्या घेण्याचे फर्मान रायगड जिल्हा परिषदेच्या शिक्षण विभागाने काढले आहेत. मात्र विद्यार्थ्यांच्या परिक्षा सुरू असतांना विद्यार्थ्यांना वेठीस धरण्यास शाळा संस्था चालकांनी विरोध केला आहे.
ठाणे : कळवा येथील मफतलाल कंपनी परिसरात बुधवारी इलेक्ट्रीक दुचाकीच्या बॅटरीचा स्फोट झाल्याने घराची भिंत कोसळून तीन जण जखमी झाले. कुसुमदेवी विश्वनाथ गुप्ता (२८), लाल बादशाह (६६) आणि मेहबूबी लाल बादशहा (५६) अशी जखमींची नावे आहेत.
वर्धा : वर्धा लोकसभा मतदारसंघात भाजपचे उमेदवार म्हणून खासदार रामदास तडस यांच्याच नावाची पुन्हा घोषणा झाली. अन् पहिल्याच यादीत नाव आल्याबरोबर पक्षांतर्गत विरोधकांचा पोटशूळ उठल्याचे चित्र पुढे आले.
राज ठाकरेंनी एका भाषणात पुलवामा हत्येमागचं रहस्य उघड केलं होतं. त्यात ते म्हणाले होते, की पुलवामा हत्याकांडाच्या आधी भारताचे राष्ट्रीय सुरक्षा सल्लागार अजित डोवाल आणि पाकिस्तानचे राष्ट्रीय सुरक्षा सल्लागार यांची बँकॉकमध्ये गुप्त बैठक झाली होती. त्यानंतर पुलवामा हत्याकांड घडलं का? असा प्रश्न त्यांना पडला होता. कदाचित कालच्या भेटीमध्ये अमित शाह यांनी त्यांच्या प्रश्नाचं उत्तर दिलं असेल – संजय राऊत</p>
राज ठाकरे हे उत्तम व्यंगचित्रकार आहेत. आम्ही अनेक वर्षं एकत्र काम केलं आहे. त्यांच्या मनातल्या संवेदना व खंत इतर कुणाहीपेक्षा मला जास्त माहिती असतात. देशातलं स्वातंत्र्य आणि प्रजासत्ताक मोदी-शाहांच्या हातून कसं फासावर लटकवलं जातंय, हे सांगणारं एक उत्तम व्यंगचित्र त्यांनी काढलं होतं. ते मला खूप आवडलं होतं. त्यांनी व्यक्त केलेल्या त्या देशाच्या भावना होत्या. त्यामुळे काल त्यांची नक्कीच मोदी-शाहांशी त्यावर चर्चा झाली असेल – संजय राऊत</p>
महाराष्ट्र ब्रेकिंग न्यूज लाइव्ह टुडे