Maharashtra Breaking News Updates, 30 July 2024 : विधानसभेची निवडणूक पुढच्या दोन ते तीन महिन्यांमध्ये जाहीर होण्याची शक्यता आहे. त्या पार्श्वभूमीवर राजकीय पक्ष आतापासून तयारीला लागले आहेत. निवडणुकीच्या अनुषंगाने महाविकास आघाडी आणि महायुतीमध्ये सध्या जागावाटपाबाबत चर्चा सुरु आहेत. असे असतानाच सध्या सत्ताधारी आणि विरोधकांमध्ये आरोप-प्रत्यारोपाचं राजकारण सुरु आहे. तसेच उपमुख्यमंत्री अजित पवार यांनी महायुती बरोबर जाण्याच्या अगोदर दिल्लीला गृहमंत्री अमित शाह यांच्या भेटीला जात असताना मास्क आणि टोपी घालून म्हणजे वेश बदलून दिल्लीला जात असायचे, अशी चर्चा राजकीय वर्तुळात सध्या सुरु आहे. यावरून विरोधकांकडून आता टिकेची झोड उठली आहे. यावर खासदार सुप्रिया सुळे यांनीही टीका केली आहे. तसेच राज ठाकरे यांनी पुण्यातील मुसळधार पावसानंतर निर्माण झालेल्या पूरपरिस्थितीवर बोलताना अजित पवार यांच्यावर टीका केली. त्यांच्या टीकेला आता अजित पवार गटाकडून प्रत्त्युत्तर देण्यात येत आहे.
Marathi News Today, 30 July 2024
कचरा हस्तांतरण केंद्रामुळे परिसरात पसरलेल्या दुर्गंधी आणि घाणीच्या साम्राज्यामुळे डासांचा प्रादूर्भाव वाढला असून परिसरातील रहिवाशी तसेच कामानिमित्त येणाऱ्या कर्मचाऱ्यांच्या आरोग्याचा प्रश्न ऐरणीवर आला आहे.
खडकवासला धरण साखळीत संततधार असल्याने रविवारी रात्री मुठा नदीत मोठ्या प्रमाणावर पाणी सोडण्यात आले.
उपमुख्यमंत्री अजित पवार यांच्या वेश बदलून दिल्लीला जात असल्याच्या चर्चांवर बोलताना खासदार सुप्रिया सुळे यांनी टीका केली आहे. तसेच दिल्ली आणि मुंबई विमानतळाची यासंदर्भात चौकशी झाली पाहिजे. अजित पवार नाव आणि वेश बदलून विमानतळावरून कसे गेले? यासाठी त्यांना परवानगी कशी मिळाली? असा सवाल सुप्रिया सुळे यांनी उपस्थित केला.