Gujarat Titans (गुजरात टायटन्स)

शिवम मावी आणि केन विल्यमसन यांना विकत घेऊन गुजरात टायटन्सने हा शोध पूर्ण केला. हार्दिक पांड्या, डेव्हिड मिलरसारखे चांगले फिनिशर असलेल्या गुजरातच्या डावाची सुरूवात मॅथ्यू वेड व शुबमन गिल करू शकतात. वृद्धीमान साहा व मॅथ्यू वेड हे दोघे विकेट किपर असून कदाचित ओपनिंगला उपयुक्त म्हणून वेडला संधी दिली जाऊ शकते. मधल्या फळीत फारसे पर्याय नसलेला गुजरातचा संघ अभिनव मनोहर व विजय शंकरचा पर्याय वापरू शकतात. गरज पडेल तेव्हा स्फोटक फलंदाजी करणारा राहुल तेवतिया गुजरातसाठी हुकमाचा एक्का ठरू शकतो. गोलंदाजीमध्ये गुजरातची मदार राशिद खान, मोहम्मद शमी, लॉकी फर्ग्युसन व प्रदीप सांगवानवर असेल.