आगामी लोकसभा निवडणूक अवघ्या काही महिन्यांवर आली आहे. त्या अनुषंगाने देशातील सर्वच राष्ट्रीय आणि प्रादेशिक पक्षांनी तयारीला सुरुवात केली आहे. भाजपासारख्या पक्षातील बडे नेते देशाच्या वेगवेगळ्या भागात जाऊन लोकांशी संवाद साधण्याचा प्रयत्न करत आहेत. पंतप्रधान नरेंद्र मोदी हेदेखील आपल्या सभेच्या माध्यमातून विरोधकांना लक्ष्य करत आहेत. शनिवारी (३ फेब्रुवारी) मोदी ओडिसा दौऱ्यावर होते. या दौऱ्यादरम्यान त्यांनी एका सभेला संबोधित केले. यावेळी बोलताना त्यांनी ओडिसा राज्यातील नवीन पटनाईक सरकारवर भाष्य करण्याऐवजी काँग्रेसवरच टीका करणे पसंत केले.

या बातमीसह सर्व प्रीमियम कंटेंट वाचण्यासाठी साइन-इन करा

भाषणात काँग्रेसवर टीका, पटनाईक सरकारवर मात्र शब्दही नाही

गेल्या २४ वर्षांपासून ओडिसामध्ये बिजू जनता दलाचे प्रमुख नवीन पटनाईक यांचे सरकार आहे. स्थानिक पातळीवर तेथे भाजपा हा प्रमुख विरोधी पक्ष आहे. त्यामुळे त्या राज्यात गेल्यानंतर नरेंद्र मोदी नवीन पटनाईक यांच्यावर टीका करतील, तेथील प्रशासनाच्या त्रुटींवर बोट ठेवतील अशी अपेक्षा अनेकांना होती. मात्र, सभेत मोदींनी पटनाईक यांना लक्ष्य करण्याऐवजी काँग्रेसची राजवट कशी भ्रष्ट होती, काँग्रेसच्या राजवटीत ओडिसाशी कशा प्रकारे दुजाभाव करण्यात आला, यावरच भाष्य केले.

मराठीतील सर्व सत्ताकारण बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: Narendra modi visit odisha criticizes congress and praises naveen patnaik prd
First published on: 04-02-2024 at 10:52 IST