Marathwada Sushila Recipe : नेहमी नेहमी नाश्त्यात काय बनवावं, हा प्रश्न प्रत्येकाला पडतो. षौष्टिक आणि स्वादिष्ट नाश्ता निवडताना आणखी विचार करावा लागतो. तुम्ही जर दररोज पोहे, उपमा, डोसा, इडली. ढोकळा खाऊन कंटाळला असाल तर तुम्ही एखादी हटके रेसिपी करू शकता. आता तुम्हाला प्रश्न पडला असेल की हटके रेसिपी म्हणजे कोणती? आज आम्ही तुम्हाला अशीच एक अनोखी आणि हटके रेसिपी सांगणार आहोत. महाराष्ट्राच्या विविध भागांमध्ये वेगवेगळी खाद्यसंस्कृती पाहायला मिळते. आज आपण मराठवाड्यातील सर्वात लोकप्रिय नाश्त्याची रेसिपी जाणून घेणार आहोत. तुम्ही सुशीलाविषयी ऐकले आहे का? तुम्हाला वाटेल सुशीला म्हणजे काय? तर सुशीला हे एखाद्या मुलीचे नाव नसून पदार्थाचे नाव आहे. सुशीला हा पदार्थ तुम्ही नाश्त्याला बनवू शकता. मराठवाड्यामध्ये हा पदार्थ सर्वात जास्त प्रमाणात बनविला जातो. चवीला अप्रतिम आणि बनवायला खूप सोपी असलेला हा पदार्थ तुम्ही सकाळी नाश्त्यामध्ये किंवा इतर कोणत्याही वेळी भूक लागेल तेव्हा झटपट बनवू शकता. हा पदार्थ कसा बनवायचा आणि त्यासाठी कोणते साहित्य घ्यावेत, याविषयी सविस्तर जाणून घेऊ या.

साहित्य

  • चुरमुरे
  • बारीक चिरलेला कांदा
  • बारीक चिरलेली मिरची
  • दाळ
  • भाजलेल्या शेंगदाण्याचा कुट
  • हिंग
  • हळद
  • मीठ
  • कढीपत्ता
  • बारीक चिरलेली कोथिंबीर
  • मोहरी
  • जिरे

हेही वाचा : विकतचं कशाला? तुमचं आवडतं ‘स्निकर्स चॉकलेट’ घरीच बनवा; VIDEO तून सोपी कृती पाहा…

कृती

  • सुरूवातीला दाळ (दालिया) खलबत्त्यात बारीक करून घ्या आणि भरड तयार करा.
  • त्यानंतर चुरमुरे घ्यायचे आणि चुरमुऱ्यामध्ये पाणी घालायचं
  • एका मिनिटानंतर चुरमुरे पाण्यातून बाहेर काढायचे.
  • पाणी चांगल्याने निथळून घ्यायचे.
  • गॅसवर एका कढईत तेल घ्या आणि गरम करा
  • गरम तेलात मोहरी, जिरे, आणि हिंग टाका
  • त्यानंतर त्यात बारीक चिरलेला कांदा टाका, कढीपत्ता, बारीक चिरलेली हिरवी मिरची टाका आणि कांद्याला सोनेरी रंग येईपर्यंत चांगला परतून घ्या.

हेही वाचा : खानदेशी पद्धतीने करा ‘खानदेशी वांग्याचं भरीत पुरी’; भाजी बनवायचा कंटाळा आला तर ५ मिनिटांत बनवा ही रेसिपी

मराठीतील सर्व रेसिपी बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: Breakfast recipe how to make sushila marathwada special sushila recipe in marathi food news ndj
First published on: 18-05-2024 at 09:04 IST