आपल्या प्रदेशाबद्दल- इतिहासाबद्दल पाश्चात्त्यांशी, पाश्चात्त्यांच्याच भाषेत अधिकाधिक बोललं गेलं पाहिजे, हा वस्तुपाठ मूळचे इजिप्तचे डॉ. एडवर्ड सैद यांनी ‘ओरिएन्टॅलिझम’ या युगप्रवर्तक ग्रंथाद्वारे घालून दिलेला आहेच- वाएल शॉकी हा दृश्यकलेची भाषा वापरून तेच करतोय..

वाएल शॉकी हा काही थोर चित्रकार वगैरे नाही. तो आज ५३ वर्षांचा आहे आणि पुढल्या काही वर्षांतच तो थोर ठरेलसुद्धा ; पण त्याला लोक ‘चित्रकार’ असं न म्हणता ‘दृश्यकलावंत’ म्हणतील.. त्याची कलाकृती व्हेनिस बिएनालेमध्ये इजिप्तच्या दालनात असणं, हे त्याचा मान वाढवणारं आहेच. पण त्या दालनात काय होतं? तर पाऊण तासांची एक फिल्म आणि काही शिल्पं.. ही शिल्पं फर्निचरसारखी वाटत होती. उदाहरणार्थ, इथं एक अंडगोलाकृती डायिनग टेबलासारखं टेबल होतं. या टेबलाला खूप पाय होते खेकडय़ासारखे.. आणि हे पाय एकसारख्या उंचीचे नसल्यामुळे ते टेबल म्हणजे कुणीतरी प्राणी आहे, तो चालतोय असं पाहाताक्षणी वाटत होतं. किंवा एक कपाट होतं आणि त्यात चिनीमातीच्या मोठय़ा बशांवर इंग्रजांच्या अमलाखाली इजिप्त असतानाच्या काळातली चित्रं निळय़ा रंगात छापलेली होती. फिल्मचा संबंध या टेबलाशी होता आणि बशांवरल्या चित्रांशीही होता. फिल्म पाहून झाल्यावर ती शिल्पं निराळीच भासत होती.. असं काय होतं एवढं त्या पाऊण तासांच्या फिल्ममध्ये?

मराठीतील सर्व स्तंभ बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: Loksatta kalakaran egypt dr edward saidorientalize the book wael shockey amy
First published on: 11-05-2024 at 05:55 IST