विवेक वेलणकर

दहावीनंतर शास्त्र शाखेतून पुढे जाणाऱ्या अधिकतर विद्यार्थ्यांचा ओढा बारावीनंतर इंजिनीअरिंग किंवा फार्मसी / फार्म डी  मध्ये करिअर करण्याकडे असतो. यासाठी एक सीईटी परीक्षा घेतली जाते. इंजिनीअरिंगमध्ये करिअर करण्याकडे कल असलेल्या विद्यार्थ्यांना फिजिक्स, केमिस्ट्री व मॅथेमॅटिक्स या विषयांची सीईटी देणे आवश्यक आहे तर फार्मसीमध्ये करिअर करण्याकडे कल असलेल्या विद्यार्थ्यांना फिजिक्स, केमिस्ट्री, बायोलॉजी किंवा फिजिक्स, केमिस्ट्री, मॅथेमॅटिक्स यापैकी कोणत्याही ग्रूपची सीईटी दिलेली चालते. दोन्ही ग्रूपची सीईटी तीन तासांची व दोनशे गुणांची असते. परीक्षा कॉम्प्युटर बेस्ड असून प्रश्न बहुपर्यायी स्वरूपाचे असतात. इंजिनीअरिंग तसेच फार्मसी सीईटी (पीसीएम ग्रूप) मध्ये फिजिक्स व  केमिस्ट्री विषयांवर प्रत्येकी एक गुणांचे पन्नास पन्नास प्रश्न असतात. यासाठी एकूण ९० मिनिटांचा वेळ मिळतो , त्यानंतरच्या ९० मिनिटांत मॅथेमॅटिक्सचे प्रत्येकी दोन गुणांचे पन्नास प्रश्न असतात. या तीनही विषयांच्या प्रश्नांपैकी २० टक्के प्रश्न इयत्ता अकरावीच्या अभ्यासक्रमावर आधारित असतात तर उर्वरित ८० टक्के प्रश्न इयत्ता बारावीच्या अभ्यासक्रमावर आधारित असतात.

More Stories onकरिअरCareer
मराठीतील सर्व करिअर बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: Admission step cet for engineering and pharmacy degree amy
First published on: 27-02-2024 at 01:36 IST