Premium

भारत-कॅनडा तणाव दूर व्हावा; ब्रिटनचे पंतप्रधान ऋषी सुनक आणि टड्रो यांच्यात संवाद 

कॅनडामध्ये खलिस्तानवादी दहशतवादी नेता हरदीपसिंह निज्जर याची हत्या झाल्यानंतर कॅनडाचे पंतप्रधान जस्टिन ट्रुडो यांनी भारतावर केलेल्या आरोपामुळे उभय देशांत मोठा राजनैतिक पेच उद्भवला आहे.

Narendra modi rushi sunak canada president trudo
नरेंद्र मोदी ऋषी सुनक कॅनडाचे अध्यक्ष ट्रूडो

पीटीआय, लंडन : कॅनडामध्ये खलिस्तानवादी दहशतवादी नेता हरदीपसिंह निज्जर याची हत्या झाल्यानंतर कॅनडाचे पंतप्रधान जस्टिन ट्रुडो यांनी भारतावर केलेल्या आरोपामुळे उभय देशांत मोठा राजनैतिक पेच उद्भवला आहे. हा तणाव दूर व्हावा, तसेच कायद्याचे अनुपालन व्हावे, अशी भूमिका ब्रिटनचे पंतप्रधान ऋषी सुनक आणि ट्रुडो यांनी शनिवारी दूरध्वनी संवादादरम्यान मांडली आहे. ब्रिटनच्या पंतप्रधान निवास-कार्यालयाने (डाऊिनग स्ट्रीट) एका निवेदनात नमूद केले, की सुनक यांनी शुक्रवारी संध्याकाळी ट्रूडो यांच्याशी संवाद साधला. त्यादरम्यान त्यांना भारतातील कॅनडाच्या मुत्सद्दी अधिकाऱ्यांच्या सद्यस्थितीबद्दल माहिती देण्यात आली. या संदर्भात दोन्ही नेते परस्परांशी संपर्क ठेवण्यावर सहमत झाले.

या बातमीसह सर्व प्रीमियम कंटेंट वाचण्यासाठी साइन-इन करा

 या निवेदनात नमूद केले, की पंतप्रधान सुनक यांनी व्हिएन्ना करारातील तरतुदींसह सार्वभौमत्व आणि कायद्याच्या राज्याचा आदर राखण्याच्या ब्रिटनच्या धोरणाचा यावेळी पुनरुच्चार केला. कॅनडाची राजधानी ओटावा येथील पंतप्रधान ट्रुडो यांच्या कार्यालयाने जारी केलेल्या निवेदनातही हेच मत व्यक्त केले आहे. पंतप्रधान ट्रुडो यांनी कॅनडा आणि भारतातील परस्पर संबंधांच्या ताज्या स्थितीबाबत सुनक यांना माहिती दिली, असेही यात नमुद केले आहे.

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: India canada tension should be resolved conversation between rishi sunak and tudrow ysh

First published on: 08-10-2023 at 01:20 IST
Next Story
महिलांच्या प्रकरणांत न्यायालयांनी संवेदनशील असावे; सर्वोच्च न्यायालयाची सूचना