Australia vs New Zealand 2nd T20I Updates : न्यूझीलंडविरुद्धच्या तीन सामन्यांच्या टी-२० मालिकेतील दुसरा सामना ७२ धावांनी जिंकून ऑस्ट्रेलियाने आता मालिकेत २-० अशी अभेद्य आघाडी घेतली आहे. या सामन्यात ऑस्ट्रेलियन संघाचा स्टार ऑलराऊंडर खेळाडू ग्लेन मॅक्सवेलनेही एक मोठी कामगिरी आपल्या नावावर केली आहे, ज्यामध्ये तो आता टी-२० आंतरराष्ट्रीय क्रिकेटमध्ये ऑस्ट्रेलियासाठी सर्वाधिक षटकार ठोकणारा खेळाडू ठरला आहे. मात्र, या सामन्यात मॅक्सवेलला फलंदाजीत विशेष काही करता आले नाही आणि चार चेंडूत एका षटकारासह केवळ ६ धावा करून तो पॅव्हेलियनमध्ये परतला.

या बातमीसह सर्व प्रीमियम कंटेंट वाचण्यासाठी साइन-इन करा

मॅक्सवेलने मोडला ॲरॉन फिंचचा विक्रम –

ग्लेन मॅक्सवेलच्या आधी ऑस्ट्रेलियासाठी टी-२० आंतरराष्ट्रीय क्रिकेटमध्ये सर्वाधिक षटकार मारण्याचा विक्रम माजी कर्णधार ॲरॉन फिंचच्या नावावर होता, ज्यांनी १०३ सामने खेळताना १२५ षटकार ठोकले होते. आता मॅक्सवेलने त्याला मागे टाकले असून त्याने १०५ सामन्यांमध्ये १२६ षटकार ठोकले आहेत. या यादीत तिसऱ्या क्रमांकावर डेव्हिड वॉर्नर आहे, ज्याने आतापर्यंत ११३ षटकार ठोकले आहेत. याशिवाय टी-२० इंटरनॅशनलमध्ये सर्वाधिक षटकार मारणाऱ्या खेळाडूंच्या यादीत ग्लेन मॅक्सवेल तिसऱ्या स्थानावर पोहोचला आहे, ज्यामध्ये तो आता या यादीत फक्त मार्टिन गुप्टिल आणि रोहित शर्माच्या मागे आहे.

मराठीतील सर्व क्रीडा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: Aus vs nz 2nd t20i glenn maxwell has broken aaron finchs record for most sixes in t20i vbm
First published on: 23-02-2024 at 18:12 IST