Premium

तोंडाच्या दुर्गंधीमुळे कोणाशीही बोलता येत नाही? जाणून घ्या तज्ञांकडून ‘हे’ खास उपाय

दिवसातून दोनदा ब्रश करा तसेच एकदा ब्रश करण्यासाठी तीन मिनिटे द्या.

lifestyle
तोंडाच्या समस्यांमुळे मेंदूच्या समस्यांचा धोकाही वाढू शकतो. (photo: jansatta)

तोंडाचे आरोग्य आपल्यासाठी शरीराच्या इतर अवयवांइतकेच महत्त्वाचे आहे. जीवनात आपण सर्वांनी केस आणि त्वचेसारख्या शरीराच्या बाहेरून दिसणार्‍या अवयवांची काळजी घेणे आवश्यक आहे, त्याचप्रमाणे तोंडाच्या आरोग्याकडेही तितकेच लक्ष दिले पाहिजे. तुम्हाला हे जाणून आश्चर्य वाटेल की भारतातील ८० टक्के लोकं तोंडाच्या आरोग्याच्या समस्येने त्रस्त आहेत. तोंडाच्या आरोग्याबाबत लोकांमध्ये जागरुकता नसतानाही आपण आपल्या दातांची तेवढी काळजी घेत नाही जितकी शरीराच्या बाह्य भागांकडे लक्ष देतो.

या बातमीसह सर्व प्रीमियम कंटेंट वाचण्यासाठी साइन-इन करा

दात स्वच्छ न केल्याने अनेक आजार होऊ शकतात. दातांची योग्य काळजी न घेतल्यानेही हृदयविकाराचा धोका ७० टक्क्यांनी वाढतो. आज आम्ही तुम्हाला तज्ञांच्या माध्यमातून दातांची काळजी कशी घ्यावी हे सांगणार आहोत.

दंतवैद्य डॉ. रिजवान खान यांनी जनसत्ता डॉट कॉमशी बोलताना सांगितले की, आपल्या तोंडाच्या स्वच्छतेचा आपल्या एकूण आरोग्यावर परिणाम होतो. म्हणूनच, तोंडाचे आरोग्य राखणे आपल्यासाठी खूप महत्वाचे आहे. तोंडाच्या समस्यांमुळे मेंदूच्या समस्यांचा धोकाही वाढू शकतो. त्यामुळे, तोंडाचे आरोग्य चांगले राखणे तुमच्यासाठी अधिक महत्त्वाचे आहे.

नॅशनल सेंटर फॉर बायोटेक्नॉलॉजी इन्फॉर्मेशन (NCBI) नुसार, दंत रोगामुळे हृदय आणि मेंदू आणि इतर रोगांचा धोका देखील वाढतो. त्यामुळे तोंडी आरोग्याच्या स्वच्छतेची काळजी घेऊन दातांसंबंधीच्या समस्यांकडे दुर्लक्ष करू नये. जर्नल ऑफ इंडियन सोसायटी ऑफ पीरियडॉन्टोलॉजीमध्ये प्रकाशित झालेल्या अभ्यासानुसार, हिरड्याच्या आजारामुळे व्यक्तीला हृदयविकाराचा धोका सुमारे २० टक्क्यांनी वाढू शकतो.

चांगल्या तोंडाच्या आरोग्याचे वैशिष्ट्य

डॉ. खान यांच्या मते, तोंडाचे चांगले आरोग्य ओळखणे खूप सोपे आहे, जसे की तुमच्या हिरड्यांचा रंग गुलाबी असावा, ब्रश करताना आणि फ्लॉस करताना हिरड्यांमधून रक्तस्त्राव होऊ नये आणि याशिवाय दात स्वच्छ असावेत. गुळगुळीत, तोंडाला दुर्गंधी नसावी जर दात संवेदनशील नसतील, जीभ गुलाबी, स्वच्छ आणि ओलसर असेल आणि काहीही चावल्यानंतर दातांना दुखत नसेल तर तुमचे दात चांगले आहेत.

दातांची काळजी कशी घ्यावी?

डॉक्टर खान म्हणाले की, दिवसातून दोनदा ब्रश करा तसेच एकदा ब्रश करण्यासाठी तीन मिनिटे द्या. ब्रश करताना दात आणि हिरड्यांवर ब्रश जास्त घासू नका, ब्रश केल्यानंतर बोटाने हिरड्यांना हलक्या हाताने मसाज करा. असे केल्याने हिरड्या मजबूत होतात. काहीही खाल्ल्यानंतर स्वच्छ धुवा. वर्षातून किमान दोनदा चांगल्या दंतचिकित्सकाकडून तोंडी आरोग्याची तपासणी करा.

मराठीतील सर्व लाइफस्टाइल बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Oral health tips cant talk to anyone because of bad breath know from experts how to get rid of it scsm

First published on: 29-11-2021 at 10:46 IST
Next Story
तुम्हालाही गरोदरपणात केस गळण्याचा त्रास होतो का? जाणून घ्या केसांची काळजी कशी घ्याल