scorecardresearch

साप्ताहिक राशिभविष्य

aries
मेष( १७ ते २३ मार्च २०२४ )

मेष : शुभेच्छा मिळतील

सध्या सप्ताहात सर्व दिवसांचा कालावधी चांगला असेल. चांगल्या दिवसांमध्ये बरेच काही बदल घडतात हे लक्षात ठेवा. तेव्हा तुम्ही कुठे कमी पडू नका. आळस बाजूला सारा व कामाला लागा. कारण जे दिवस चांगले असतात. त्या दिवसांमध्ये आपण जे प्रयत्न करतो त्या प्रयत्नांना यश मिळते. आजचे काम उद्यावर ढकलू नका. उद्याचे काम आजच करण्याचा संकल्प करा. त्यामुळे आगामी काळासाठी हे नियोजन फायद्याचे ठरेल. व्यवसायात चाललेल्या घडामोडींचा आढावा घेताना वरिष्ठांचे मार्गदर्शन घ्या. नोकरदार वर्गाच्या कामातील अडथळे दूर होतील. आर्थिक बाबतीत समाधानाची बाब असेल. राजकीय क्षेत्रात शुभेच्छा मिळतील. मुलांच्या बाबतीत भावनिक निर्णय घेऊ नका. घरगुती वातावरण चांगले राहील. धार्मिक कार्यासाठी खर्च कराल. मानसिक समाधान लाभेल. आरोग्य ठणठणीत राहील.

शुभ दिनांक : २२, २३

महिलांसाठी : हाती घेतलेल्या कामाला यश मिळेल.

taurus
वृषभ( १७ ते २३ मार्च २०२४ )

वृषभ : प्रगती होईल

या सप्ताहात कोणताच दिवस असा नाही की काळजी वाढवणारा आहे. सर्व दिवस चांगले असतील. चांगले दिवस म्हणजे डोक्याला फारसा ताण देऊन विचार करावा लागणार नाही असेच म्हणावे लागेल. जे काही निर्णय घेणार ते तडीस न्याल. कोणाच्या मदतीची अपेक्षा भासणार नाही. आपले काम आपणच पूर्ण करण्याची जिद्द तुम्ही तुमच्या मनामध्ये निर्माण कराल. सध्या एक घाव दोन तुकडे करण्याची वेळ येणार नाही. एका दगडात दोन पक्षी मारण्याचा डाव मात्र साध्य होणार आहे. व्यवसायात संघर्ष असला तरी तुम्ही हार मानणार नाही. नोकरदार वर्गाला वरिष्ठांचे बोलणे ऐकून घेण्यापूर्वी तुम्ही तुमच्या कामांमध्ये लक्ष केंद्रित करा. आर्थिकदृष्ट्या प्रगती होईल. राजकीय क्षेत्रात सध्या रस वाटणार नाही. नातेवाईकांची ऊठबस करावी लागेल. धार्मिक कार्यात सहभाग राहील. घरगुती वातावरण ठीक राहील. आरोग्य चांगले राहील.

शुभ दिनांक : १८ , १९

महिलांसाठी : नवीन कामाची सुरुवात होईल.

gemini
मिथुन( १७ ते २३ मार्च २०२४ )

मिथुन : योग्य परतावा मिळेल

शुभ ग्रहांची स्थिती उत्तम आहे. त्यामुळे सर्व दिवस चांगले जातील. चांगले दिवस म्हणजे नेमके काय तर या दिवसात ज्या कामाला उशीर होत असतो तो होत नाही. समोरच्याला आपण विनवणी करण्याची गरज भासत नाही. शिवाय अगदी ठरवल्यासारखे काम होतात. कोणत्याही कामाला अडथळाआहे, असं वाटलं तरी तो अडथळा दूर होतो. चांगल्या कालावधीत अडथळा येत नाही असे नाही. पण आला तरी त्यावर निवारण मार्ग निघतो व काम पूर्ण होतेच. व्यवसायातून मिळालेले उत्पन्न अपेक्षेपेक्षा चांगले असेल. नोकरदार वर्गाला कामात त्रास होणार नाही. आर्थिक बाबतीत योग्य परतावा मिळेल. भावंडांना मदत करावी लागेल. शेजारच्या कोणत्याही गोष्टीत हस्तक्षेप करू नका. जोडीदाराचे सहकार्य मिळेल. धर्मिक गोष्टींची आवड राहील. प्रकृती उत्तम असेल.

शुभ दिनांक : १७, १८

महिलांसाठी : कार्यक्रमाचे सूत्रसंचालन करावे लागेल.

Cancer
कर्क( १७ ते २३ मार्च २०२४ )

कर्क : पर्याय स्वीकारा

दिनांक १७, १८  ही संपूर्ण दोन दिवस १९ तारखेला दुपापर्यंत असा अडीच दिवसांचा कालावधी फारसा चांगला नाही. या दिवसात घेतलेले निर्णय चुकीचे ठरू शकतात. त्यामुळे निर्णय घेताना घाई करू नका. इतरांशी तुलना करणे टाळा. भावनिक गोष्टींना महत्त्व देऊ नका. प्रत्येक गोष्टीत आपलेच खरे करू नका. काही गोष्टी नाही पटल्या तर सोडून द्या व पुढे चला. त्यामुळे वादविवाद होणार नाहीत. पर्यायी मार्ग स्वीकारा. बाकी दिवसांचा कालावधी चांगला असेल. व्यवसायिकदृष्टया आवक जावक पाहून मगच गुंतवणूक करा. मोठी गुंतवणूक टाळा. नोकरदार वर्गाला कामातील त्रुटी दूर करण्यासाठी वरिष्ठांची मदत मिळेल. खर्च सावरण्याचा प्रयत्न करा. समाजसेवेची आवड नसली तरी ती करावी लागेल. कौटुंबिक वातावरण बिघडणार नाही याची काळजी घ्या. त्यासाठी तोंडावर ताबा ठेवा. शारीरिकदृष्टया योगसाधनेला महत्त्व द्या.

शुभ दिनांक : २० , २१

महिलांसाठी : कोणत्याही गोष्टीचा अतिरेक महागात पडतो हे विसरू नका.

leo
सिंह( १७ ते २३ मार्च २०२४ )

सिंह : समतोल साधा

१९ तारखेला दुपारनंतर दिनांक २० व २१ असे हे संपूर्ण अडीच दिवस म्हणजे तारेवरची कसरत आहे. अगदी नियोजन करूनही काही काम न होणे म्हणजे सध्या वेळ चांगली नाही असेच म्हणावे लागेल. म्हणजेच या अडीच दिवसांचा कालावधी जेमतेम राहील. या दिवसांत कोणतीही हुशारी करून चालणार नाही. म्हणजेच जोर जबरदस्तीने केलेल्या गोष्टीचा त्रास तुम्हाला स्वत:लाच होऊ शकतो. त्यापेक्षा प्रयत्न करा. जास्ती अपेक्षा ठेवू नका. इतरांची मदत या वेळेत मिळेल याची शक्यता कमी आहे. त्यामुळे नकारात्मक विचार मनामध्ये येऊ शकतात. ते येऊ देऊ नका. समतोल साधा. बाकी दिवसांचा कालावधी चांगला राहील. व्यावसायिकदृष्ट्या गुंतवणूक मोठ्या प्रमाणात करू नका. नोकरदार वर्गाने कामाचा अंदाज घेऊन काम केले पाहिजे. खर्च जपून करा. मित्र-मैत्रिणींची मदत मिळेल. संतती सौख्य लाभेल. जोडीदार आनंदी असेल. आरोग्याच्या बाबतीत निष्काळजीपणा टाळा.

शुभ दिनांक : २२ , २३

महिलांसाठी : नियमबाह्य गोष्टी टाळा.

gemini
कन्या( १७ ते २३ मार्च २०२४ )

कन्या : खर्च जपून करा

दिनांक २२ २३ हे दोन दिवस कोणतेही काम करताना त्यामध्ये अडथळा येणार आहे. त्यामुळे तुमची चिडचिड होऊ शकते. मात्र एक गोष्ट लक्षात ठेवा. तांत्रिक अडचणी या अचानक येऊ शकतात. यासाठी कितीही पर्याय केला तरी त्या अडचणी दूर करण्यासाठी तुम्हाला स्वत:लाच प्रयत्न करावे लागतील. एखाद्या गोष्टीला उशीर होणार आहे असे गृहीत धरून चालल्यास त्रास होणार नाही. संयम ठेवून काम करा. म्हणजे त्रास होणार नाही. बाकी दिवसांचा कालावधी चांगला असेल. व्यवसायात लाभदायक परिस्थिती निर्माण होईल. नोकरदार वर्गाच्या कामकाजात पारदर्शकता येईल. खर्च जपून करा. राजकीय क्षेत्रात जबाबदारीचे काम उद्या वर न ढकलता आजच करावे लागेल अशी परिस्थिती निर्माण होईल. मित्र-मैत्रिणींसाठी वेळ द्यावा लागेल. कुटुंबाच्या गरजा पूर्ण करण्यासाठी ओढाताण होईल. जोडीदाराची मदत घ्या. आरोग्य जपा.

शुभ दिनांक : २० , २१

महिलांसाठी : गोड बोलून काम करून घ्या.

libra
तूळ( १७ ते २३ मार्च २०२४ )

तूळ : शुभ पडघम वाजेल

भाग्यस्थानातून लाभस्थानाकडे होणारे चंद्राचे भ्रमण शुभ पडघम वाजवल्याशिवाय राहणार नाही. म्हणजे आता चांगले काही होण्याची वेळ आली आहे असे म्हणायला हरकत नाही. कारण बऱ्याच दिवसातून असे चांगले दिवस पाहायला मिळणार आहेत. त्यामुळे एक प्रकारचा आनंद तुमच्या मनामध्ये निर्माण होईल. कोणतेही काम करायला आळस वाटणार नाही. इतरांनी आपल्याला मदत करावी अशी स्थितीसुद्धा निर्माण होणार नाही. आपणच इतरांना मदत कराल. सर्व दिवस चांगले असतील. व्यवसायात प्रगती होईल. नोकरदार वर्गाने केलेल्या कामाचे कौतुक वरिष्ठांकडून केले जाईल. आर्थिक दृष्ट्या भरभराट होईल. राजकीय क्षेत्रात शुभेच्छा मिळतील. मुलांची आवड निवड पूर्ण कराल. घरगुती वातावरण आनंदी असेल. मानसिक समाधान लाभेल.

धार्मिक कार्यासाठी खर्च कराल. आरोग्याच्या तक्रारी दूर होतील.

शुभ दिनांक : १७, १८

महिलांसाठी : उत्सुकता कायम टिकून राहील.

soc
वृश्‍चिक( १७ ते २३ मार्च २०२४ )

वृश्चिक : आरोग्य सांभाळा

दिनांक १७ , १८ हे संपूर्ण दिवस १९ तारखेला दुपारपर्यंत अशा या अडीच दिवसांच्या कालावधीत रागावर नियंत्रण ठेवायला शिका. कारण मागील काही गोष्टी त्रासाच्या होत्या त्याची आठवण आता काढण्याची गरज नाही. सध्या दिवस कसे चांगले घालवता येईल ते पाहा. विनाकारण जुन्या आठवणींमध्ये वेळ वाया घालवू नका. आपल्या मर्यादा आपणच सांभाळायच्या असतात हे लक्षात ठेवा. समोरच्याने शांत बस असे म्हणण्याची वेळ येऊ देऊ नका. जेवढ्यास तेवढे रहा .म्हणजे त्रास होणार नाही. बाकी दिवसांचा कालावधी उत्तम राहील. व्यवसायात संघर्ष करावा लागणार नाही. नोकरदार वर्गाला कामाचे स्वरूप कळाल्यामुळे कामातील अडथळे दूर होतील. आर्थिकदृष्ट्या अनपेक्षित लाभ होईल. नातेवाईकांच्या भेटीगाठी होतील. धार्मिक कार्यात सहभाग राहील.

आरोग्याची काळजी घ्या.

शुभ दिनांक : २०, २१

महिलांसाठी : इतरांना सल्ला देत बसू नका.

Sagi
धनु( १७ ते २३ मार्च २०२४ )

धनू : शब्द देणे टाळा

१९ तारखेला दुपारनंतर दिनांक २० व २१ हे संपूर्ण दोन दिवस म्हणजे हा अडीच दिवसांचा कालावधी फारसा चांगला आहे, असे म्हणता येणार नाही. म्हणजेच या दिवसांत तुमची इच्छा नसतानासुद्धा एखादी गोष्ट तुम्हाला करावी लागेल. म्हणजेच सध्या भांडण करायचे नाही असे ठरवले तरी तशी परिस्थिती निर्माण होते असा हा कालावधी आहे. हा कालावधी माहीत असतानासुद्धा कोणत्याही गोष्टीचा पुढाकार घेणे हे तुमच्या स्वत:साठी त्रासाचे आहे. तेव्हा या अडीच दिवसांत हाताची घडी तोंडावर बोट असेच वातावरण ठेवा. म्हणजे त्रास होणार नाही. न जमणाऱ्या गोष्टींसाठी इतरांना शब्द देणे टाळा. बाकी दिवस चांगले असतील. व्यवसायात फायद्याचे प्रमाण चांगले राहील. नोकरदार वर्गाला कामातील अडथळे दूर करण्यासाठी स्वत: प्रयत्नशील राहावे लागेल. आर्थिकबाबतीत उधारउसनवारीचे व्यवहार टाळा. कौटुंबिक वादविवाद टाळा.

मानसिक शारीरिक समतोलता राखा.

शुभ दिनांक : २२ , २३

महिलांसाठी : नातेसंबंध जपा.

capri
मकर( १७ ते २३ मार्च २०२४ )

मकर : रागावर नियंत्रण ठेवा

१९ तारखेला दुपारनंतर दिनांक २० व २१ हे संपूर्ण दोन दिवस असा हा अडीच दिवसांचा कालावधी चढउतारांचा राहील. असे दिवस असले की सावधानता बाळगून काम केलेले चांगले. म्हणजेच चांगल्या कामाचा श्री गणेशा या कालावधीत करणे म्हणजे अडचणी वाढवण्यासारखे आहे. त्यापेक्षा या दिवसांत व्यवस्थापनानुसार काम करणे सर्वात चांगले. राहील. कोणत्याही कामात हलगर्जीपणा करणे टाळा. जबाबदारीने वागा. बाकी दिवसांचा कालावधी चांगला असेल. व्यवसायातून मिळालेले उत्पन्न अपेक्षेपेक्षा कमी असेल. नोकरदार वर्गाला कामात लक्ष केंद्रित करावे लागेल. आर्थिक बाबतीत व्यवहार जपून करा. मुलांच्या बाबतीत घेतलेले निर्णय योग्य असतील. मैत्रीचे नाते दृढ होईल. जोडीदाराच्या मनोकामना पूर्ण कराल. उपासना फलद्रूप होईल. आरोग्याची काळजी घ्या.

शुभ दिनांक : १७ , १८

महिलांसाठी : शब्दप्रयोग जपून वापरा.

Aqua
कुंभ( १७ ते २३ मार्च २०२४ )

कुंभ : जबाबदारीने वागा

१९ तारखेला दुपारनंतर दिनांक २० व २१ हे संपूर्ण दोन दिवस असा हा अडीच दिवसांचा कालावधी चढउतारांचा राहील. असे दिवस असले की सावधानता बाळगून काम केलेले चांगले. म्हणजेच चांगल्या कामाचा श्री गणेशा या कालावधीत करणे म्हणजे अडचणी वाढवण्यासारखे आहे. त्यापेक्षा या दिवसांत व्यवस्थापनानुसार काम करणे सर्वात चांगले. राहील. कोणत्याही कामात हलगर्जीपणा करणे टाळा. जबाबदारीने वागा. बाकी दिवसांचा कालावधी चांगला असेल. व्यवसायातून मिळालेले उत्पन्न अपेक्षेपेक्षा कमी असेल. नोकरदार वर्गाला कामात लक्ष केंद्रित करावे लागेल. आर्थिक बाबतीत व्यवहार जपून करा. मुलांच्या बाबतीत घेतलेले निर्णय योग्य असतील. मैत्रीचे नाते दृढ होईल. जोडीदाराच्या मनोकामना पूर्ण कराल. उपासना फलद्रूप होईल. आरोग्याची काळजी घ्या.

शुभ दिनांक : १७ , १८

महिलांसाठी : शब्दप्रयोग जपून वापरा.

pices
मीन( १७ ते २३ मार्च २०२४ )

मीन : नियमांचे पालन करा

दिनांक २२ , २३ हे दोन दिवस कोणतेही काम करताना दूरदृष्टीपणा ठेवा. समोरच्याकडून अपेक्षा ठेवणे त्रासाचे राहील. कारण या दोन दिवसांत समोरून येणारा प्रतिसाद चांगलाच असेल असे नाही. कायदेशीर गोष्टींचे उल्लंघन करू नका. नियमांचे पालन करा. आपली आवक नसताना इतरांना शब्द देणे म्हणजे नुकसान करून घेण्यासारखे आहे. तेव्हा सामंजस्याने वागा. बाकी दिवस चांगले असतील. व्यावसायिकदृष्ट्या गुंतवणूक करणे सहज शक्य होईल. मात्र अंथरूण पाहून पाय पसरा हे लक्षात ठेवा. नोकरदार वर्गाला नवीन कामाची सुरुवात करता येईल. आर्थिक दृष्ट्या बचत करणे योग्य राहील. राजकीय क्षेत्रातील घडामोडींचा आढावा घेताना वरिष्ठांची मदत मिळेल.

संततीविषयक कौतुक वाटेल. घरगुती वातावरण ठीक राहील. मानसिकदृष्ट्या द्विधावस्था होईल. आरोग्याची काळजी घ्या.

शुभ दिनांक : २० , २१

महिलांसाठी : आशावादी दृष्टिकोन राहील.

लोकसत्ता विशेष

ताज्या बातम्या

तुम्ही या बातम्या वाचल्या आहेत का? ×