23 September 2017

News Flash

‘ब्लॉग बेंचर्स’चा नवा विषय ‘पोकळीकरण’

प्रश्न सध्या पंतप्रधान असलेले नरेंद्र मोदी अथवा सध्या सत्ताधारी असलेल्या भाजपचा नाही.

प्रतिनिधी, मुंबई | Updated: September 8, 2017 1:40 AM

( संग्रहीत प्रतिकात्मक छायाचित्र )

प्रश्न सध्या पंतप्रधान असलेले नरेंद्र मोदी अथवा सध्या सत्ताधारी असलेल्या भाजपचा नाही. तसाच तो काँग्रेसचाही नाही. प्रश्न आहे तो लोकशाही म्हणवून घेणारा देश म्हणून आपण भावी पिढय़ांसाठी कोणती व्यवस्था तयार करीत आहोत, हा. तो पडावयाचे कारण म्हणजे एकापाठोपाठ एक नोकरशहा, निवृत्त न्यायाधीश आदींची विविध पदांवर लावली जाणारी वर्णी. प्रशासकीय सुधारणांची चर्चा करताना अधिकाऱ्यांच्या निवृत्त्योत्तर सेवांना चाप लावण्याचे सूतोवाच मोदींनीच केले होते. १९८४ सालच्या काँग्रेसच्या विक्रमानंतर सध्याच्या सत्ताधारी भाजपइतके खासदार कोणत्याही पक्षाला निवडून आणता आलेले नाहीत. तरीही त्या पक्षाला मंत्रिपदासाठी लोकप्रतिनिधी मिळू नयेत? याचा अर्थ हे निवडून आलेले भाजपचे खासदार राज्यमंत्रीदेखील होण्याच्या लायकीचे नाहीत? या प्रश्नाचे उत्तर जर होकारार्थी असेल तर मग इतकी प्रशिक्षण शिबिरे, चिंतनसत्रे, बौद्धिके आदी आयोजित करणाऱ्या रा. स्व. संघाच्या यंत्रणेचा उपयोगच काय? आणि या प्रश्नाचे उत्तर नकारार्थी असेल तर मग त्यांना संधी नाकारण्याचे काय कारण? हे दोन्हीही प्रश्न परिस्थितीचे गांभीर्यच अधोरेखित करतात. म्हणून प्रश्न पुढील पिढीसाठी आपण अशी पोकळ लोकशाही ठेवणार का, हा आहे. नवी संस्थात्मक उभारणी शून्य असताना आपण निदान आहे त्या संस्था तरी जपायला हव्यात. हे पोकळीकरण रोखायला हवे, असे मत ‘पोकळीकरण’ या अग्रलेखात मांडण्यात आले आहे. या अग्रलेखावर विद्यार्थ्यांना ‘ब्लॉग बेंचर्स’मध्ये व्यक्त व्हायचे आहे.

या स्पर्धेअंतर्गत पुढच्या गुरुवापर्यंत विद्यार्थ्यांना मत नोंदविता येईल.  हे लेख http://www.loksatta.com/blogbenchers या संकेतस्थळावर वाचता येतील. ‘लोकसत्ता’ने सुरू केलेल्या ‘ब्लॉगबेंचर्स’ या लेखन स्पर्धेसाठी दर आठवडय़ाला एक अग्रलेख निवडला जातो. त्यावर विद्यार्थ्यांनी भाष्य करायचे असते. या आठवडय़ाकरिता ‘पोकळीकरण’ या अग्रलेखाची निवड करण्यात आली आहे.

 

First Published on September 8, 2017 1:40 am

Web Title: share your opinion on loksatta blog benchers 120
  1. S
    Shilpa barde
    Sep 14, 2017 at 6:26 pm
    Aapan sansadiy lokshahi pranalicha swikar kela aahe aapali sansadiy lokshahi hi bahumatavar aadharaleli aahe ghatanepramane janata sarvbhaom asun janatecha sarkarvar a la ankush ha aaplya lokshahi pranalicha aatma aahè Aajcha samaj asamajik aahe lokashahiche mul tatve tyane paytali tudavali aahet ekmekanche hit pahnya aivji ekmekanchya tathatil ghas palavnyat va tase kat aakhanyat magn aahe so anche aadhik shoshan kele jat aahe Tar bhadaval darana aadhikadhik saksham kele jat aahe satteche va sadhan samgriche sarv samaj ghatakat nyay vatap hone ha lokashahiche gabha visarun satteche kendrikaran kele gele aahe va samajakade tuchhatene pahile jate Anek bhrsta rajkarani va nokarshahana mantri mhnun nemnyat aale hote khare tar asha vyakatina valit thakale pahije Kontyahi rajkarnyachi layki he tyane kelelya kamatun disate tyane samaj va deshasathi pramanik pane kelele kam hi tyachi yogyata nichhit karate Samajik lokshahi majbut asalykherij rajkiy lokshahi cha paya bhakkam hot nahi
    Reply