ऋतुराज गायकवाड Videos

ऋतुराज गायकवाड (Ruturaj Gaikwad) हा भारतीय फलंदाज आहे. त्याचा जन्म ३१ जानेवारी १९९७ रोजी पुण्यामध्ये झाला. सुशिक्षित घरामध्ये वाढलेल्या ऋतुराज (Ruturaj) लहानपणापासून क्रिकेटवर प्रेम होते. त्याने पिंपरी चिंचवडच्या दिलीप वेंगसकर अकादमीमधून क्रिकेटचे धडे गिरवले. ६ ऑक्टोबर २०१६ रोजी २०१६-१७ रणजी करंडक स्पर्धेत त्याने महाराष्ट्रासाठी प्रथम श्रेणी क्रिकेटमध्ये पदार्पण केले. पुढे २०१७ मध्ये त्याला विजय हजारे करंडक स्पर्धेत खेळण्याची संधी मिळाली. राज्यस्तरीय स्पर्धांमध्ये खेळत असताना आयपीएल २०१९ मध्ये त्याला चैन्नईच्या संघाकडून खेळण्याची संधी मिळाली. या संधीचे सोनं करत त्याने अनेक चाहत्यांची मने जिंकली. तो सीएसके संघाचा सलामीवीर फलंदाज आहे. आयपीएलमधील कामगिरीकडे पाहून भारतीय संघामध्ये त्याची निवड करण्यात आली.

२०२१ मध्ये ऋतुराज गायकवाड पहिला आंतरराष्ट्रीय क्रिकेट सामना खेळला. काही महिन्यांपूर्वी विजय हजारे ट्रॉफीमध्ये त्याने एका षटकामध्ये तब्बल सात षटकार मारण्याचा विक्रम केला. मराठी अभिनेत्री सायली संजीवला तो डेट करत असल्याच्या अफवा पसरल्या होत्या. त्याबाबतची कोणतीही अधिकृत माहिती समोर आलेली नाही.Read More