यशवंत सिन्हा Videos
यशवंत सिन्हा देशाची माजी अर्थमंत्री आणि परराष्ट्रमंत्री आहेत. त्यांचा जन्म ६ नोव्हेंबर १९३७ रोजी झाला. त्यांनी १९६० मध्ये भारतीय प्रशासकीय सेवेत (आय.ए.एस) प्रवेश केला. ते १९८४ पर्यंत भारतीय प्रशासकीय सेवेत होते. त्यानंतर त्यांनी सेवेचा राजीनामा देऊन जनता पक्षात प्रवेश केला. १९८६ मध्ये त्यांची जनता पक्षाचे सरचिटणीस म्हणून नियुक्ती झाली. १९८८ मध्ये जनता दलाची स्थापना झाल्यानंतर त्यांनी त्या पक्षात प्रवेश केला. तसेच त्याच वर्षी ते राज्यसभेवर निवडून गेले. १९९० मध्ये जनता दलात फूट पडल्यानंतर त्यांनी चंद्रशेखर यांच्या समाजवादी जनता दलात प्रवेश केला. चंद्रशेखर यांच्या मंत्रीमंडळात ते अर्थमंत्री होते. १९९३ मध्ये त्यांनी भारतीय जनता पक्षात प्रवेश केला. १९९५-१९९६ या काळात ते बिहार विधानसभेत विरोधी पक्षनेते होते. १९९८, १९९९ आणि २००९ च्या लोकसभा निवडणुकींमध्ये त्यांनी झारखंड राज्यातील हजारीबाग लोकसभा मतदारसंघातून विजय मिळवला. तत्कालीन पंतप्रधान अटलबिहारी वाजपेयी यांच्या मंत्रीमंडळातही त्यांनी अर्थमंत्री आणि परराष्ट्रमंत्री म्हणून काम केले. जून २००९ मध्ये १५ व्या लोकसभा निवडणुकांमध्ये झालेल्या भाजपाच्या पराभवाला पक्षाच्या केंद्रिय नेतृत्वाला जबाबदार धरत त्यांनी पक्षाच्या उपाध्यक्षपदाचा राजीनामा दिला होता. २१ एप्रिल २००८ रोजी त्यांनी भाजपालाच सोडचिट्ठी दिली. मार्च २०२१ मध्ये यशवंत सिन्हा यांनी तृणमूल काँग्रेस पक्षात प्रवेश केला. मात्र, जून २०२२ मध्ये त्यांनी तृणमूल पक्षालाही सोडचिट्ठी दिली. २०२२ च्या राष्ट्रपती निवडणुकीत ते सत्ताधारी एनडीएच्या उमेदवार द्रौपदी मूर्मू यांच्याविरोधात विरोधकांचे उमेदवार होते. मात्र, त्यात त्यांचा पराभव झाला.Read More