Premium

भाजपाच्या विजयानंतर शेअर बाजारात तेजी, १५ मिनिटांत बाजारात ४ लाख कोटींची कमाई

जर आपणाला शेअर बाजाराच्या सुरुवातीच्या कामकाजात वाढ दर्शविलेल्या निर्देशांकांबद्दल बोलायचे झाल्यास तर निफ्टी मिड कॅप १००, बीएसई स्मॉल कॅप, निफ्टी आयटी आणि निफ्टी बँक मध्ये बंपर वाढ नोंदवली जात आहे.

sensex today
(फोटो क्रेडिट- फायनान्शिअल एक्सप्रेस)

भाजपाच्या तीन राज्यांतील विजयानंतर सोमवारी शेअर बाजारातील व्यापाऱ्यांचा उत्साह वाढला आहे. आठवड्याच्या पहिल्याच दिवशी शेअर बाजार विक्रमी पातळीवर उघडला. बाजार उघडल्यानंतर सेन्सेक्स आणि निफ्टी त्यांच्या सार्वकालिक उच्चांकावर पोहोचले आहेत. BSE सेन्सेक्स १,०४९.३१ म्हणजेच १.५५ टक्क्यांच्या वाढीसह ६८,५३०.५० अंकांवर आणि निफ्टी ३१६.७० अंकांच्या म्हणजेच १.५६ टक्क्यांच्या वाढीसह २०,५८४.६० अंकांवर उघडला. बाजाराला मजबूत देशांतर्गत आणि जागतिक संकेतांचा पाठिंबा मिळत आहे. निफ्टीमध्ये अदाणी एंटरप्रायझेस आणि अदाणी पोर्ट्सचे शेअर्स ४ ते ७ टक्क्यांपर्यंत वाढले आहेत. एवढेच नाही तर बीएसईने बाजार उघडताच १५ मिनिटांत ४ लाख कोटी रुपयांची कमाई केली आहे. जर आपणाला शेअर बाजाराच्या सुरुवातीच्या कामकाजात वाढ दर्शविलेल्या निर्देशांकांबद्दल बोलायचे झाल्यास तर निफ्टी मिड कॅप १००, बीएसई स्मॉल कॅप, निफ्टी आयटी आणि निफ्टी बँक मध्ये बंपर वाढ नोंदवली जात आहे.

या बातमीसह सर्व प्रीमियम कंटेंट वाचण्यासाठी साइन-इन करा

१५ मिनिटांत ४ लाख कोटींची कमाई

सोमवारी शेअर बाजार उघडल्यानंतर अवघ्या १५ मिनिटांत बीएसईवर सूचीबद्ध कंपन्यांचे बाजारमूल्य ४ लाख कोटी रुपयांनी वाढून ३४१.७६ लाख कोटी रुपयांवर पोहोचले. म्हणजेच मार्केट ओपनिंगच्या १५ मिनिटांत बीएसईने ४ लाख कोटी रुपयांची कमाई केली आहे. बाजारातील जाणकारांच्या मते ४ राज्यांच्या निवडणूक निकालांमुळे बाजारात सकारात्मक प्रतिसाद दिसून येत आहे.

हेही वाचाः BYJU’s च्या १००० कर्मचाऱ्यांचे नोव्हेंबरचे पगार रखडले, कंपनीनं दिलं ‘हे’ कारण

या समभागांमध्ये वाढ झाली

शेअर बाजाराच्या सुरुवातीच्या तासांमध्ये NTPC, Larsen & Toubro, Axis Bank, SBI, ICICI, Airtel २ टक्क्यांपर्यंत वाढले. आयटीसीचे समभाग हिरव्या रंगात व्यवहार करीत होते. एम अँड एम, एचडीएफसी बँक, बजाज फायनान्स आणि अॅक्सिस बँकेचे शेअर्सही वाढीसह उघडले. तसेच नेस्ले लाल चिन्हावर उघडले. याशिवाय सोमवारी सुरुवातीच्या व्यवहारात गौतम अदाणी समूहाच्या सर्व नऊ सूचीबद्ध कंपन्यांच्या शेअर्समध्ये वाढ झाली आणि गौतम अदाणी यांच्या अदाणी ग्रीन एनर्जीचे शेअर्स १० टक्क्यांच्या वाढीसह उघडले. सोमवारी अदाणी टोटल गॅस आणि अदाणी पॉवरसह अदाणी एंटरप्रायझेस सहा टक्क्यांच्या वाढीसह व्यवहार करीत होते, तर एनडीटीव्ही, अदाणी पोर्ट्स, अदाणी विल्मार, एसीसी लिमिटेड आणि अंबुजा सिमेंट या सर्व कंपन्यांचे शेअर्स वधारत होते.

हेही वाचाः LPG Price Hike: काल मतदान संपलं, आज गॅस सिलिंडरची भाववाढ! मुंबईसह विविध शहरांमधील नवे दर जाणून घ्या

जिओ फायनान्शिअलमध्येही वाढ झाली

सोमवारी सुरुवातीच्या व्यवहारात पटेल इंजिनीअरिंग, कामधेनू लिमिटेड, महिंद्रा अँड महिंद्रा, देवयानी इंटरनॅशनल, एक्साइड इंडस्ट्रीज, जिओ फायनान्शियल, गती लिमिटेड, टाटा मोटर्स, युनि पार्ट्स इंडियाचे शेअर्स वधारत होते, तर स्टोव्ह क्राफ्ट आणि ओम इन्फ्रा यांचे शेअर्स वधारत होते. सोमवारी प्री-ओपन ट्रेडिंगमध्ये बीएसई सेन्सेक्स ९५० अंकांनी वाढून ६८४३५ च्या पातळीवर कार्यरत होता, तर निफ्टीने २०६०० ची पातळी ओलांडली होती. अमेरिकेतील केंद्रीय बँक फेडरल रिझर्व्हने व्याजदर कपातीची शक्यता फेटाळून लावली असली तरी निफ्टी बंपर वाढ नोंदवत असल्याचे शेअर बाजारातील तज्ज्ञांचे म्हणणे आहे.

राज्य निवडणूक निकालांचा सकारात्मक परिणाम

भारतातील तीन प्रमुख उत्तरेकडील राज्यांमध्ये भारतीय जनता पक्षाला स्पष्ट जनादेश मिळाल्यानंतर दलाल स्ट्रीटने वेग पकडला आणि विक्रमी उच्चांक गाठला आहे. ” देशातील राज्य निवडणुकांचे निकाल ही एक मोठी घटना ठरली आहे, ज्यामुळे नवा आशावाद निर्माण होऊ शकतो आणि बाजारात आणखी तेजी येऊ शकते. बाजाराला राजकीय स्थिरता आणि सुधारणा केंद्रित, बाजाराला अनुकूल सरकार आवडते. बाजाराच्या दृष्टिकोनातून परिणाम अपेक्षेपेक्षा जास्त चांगले होते,” असंही जिओजित फायनान्शिअल सर्व्हिसेसचे मुख्य गुंतवणूकदार व्ही. के. विजयकुमार म्हणालेत.

मराठीतील सर्व बाजार बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Stock market boom after bjps victory 4 lakh crores earned in the market in 15 minutes vrd

First published on: 04-12-2023 at 12:09 IST
Next Story
माझा पोर्टफोलियो: पायाभूत सेवा सुविधा क्षेत्रातील अग्रणी