News Flash

शोपियान सेक्टरमधील चकमकीत दोन दहशतवाद्यांना कंठस्नान

तिसऱ्या दहशतवाद्याने पुन्हा एकदा भारतीय सैन्याच्या दिशेने गोळीबार करायला सुरुवात केली. (प्रातिनिधिक छायाचित्र)

जम्मू-काश्मीरच्या शोपियान सेक्टरमध्ये मंगळवारी भारतीय लष्कर आणि दहशतवाद्यांमध्ये चकमक झाली. या चकमकीत दोन दहशतवाद्यांना कंठस्नान घालण्यात भारतीय सैन्याला यश आले आहे. येथील परिसरात काही दहशतवादी लपून बसल्याची माहिती मंगळवारी सकाळी लष्कराला मिळाली. त्यानंतर सुरक्षा दलांनी शोध मोहीम हाती घेत हा परिसर पिंजून काढायला सुरूवात केली.

त्यावेळी भारतीय सैन्याचा दहशतवाद्यांशी सामना झाला. यावेळी एका घरात लपून बसलेल्या दहशतवाद्यांनी भारतीय जवानांवर गोळीबार करण्यास सुरूवात केली. त्यानंतर भारतीय जवानांनी प्रत्युत्तरादाखल केलेल्या गोळीबारात दोन दहशतवादी ठार झाले. सुरुवातीला भारतीय जवानांना सर्व दहशतवादी ठार झाले, असे वाटले होते. मात्र, अन्य दोन दहशतवाद्यांचे मृतदेह ताब्यात घेत असतानाच तिसऱ्या दहशतवाद्याने पुन्हा एकदा भारतीय सैन्याच्या दिशेने गोळीबार करायला सुरुवात केली. त्यामुळे आता या ठिकाणी पुन्हा एकदा चकमकीला सुरुवात झाल्याची माहिती काश्मीरचे पोलीस महानिरीक्षक मुनीर खान यांनी दिली. या चकमकीत अद्यापपर्यंत भारताचा एकही जवान जखमी झाल्याचे वृत्त नाही.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on December 19, 2017 8:22 am

Web Title: two terrorists killed in shopian encounter in jammu and kashmir
Next Stories
1 दुसऱ्या टप्प्याने भाजपला तारले!
2 काँग्रेसने निवडणुकीत जातीयवादाची बीजे रोवली!
3 काँग्रेसच्या खालच्या पातळीच्या प्रचारामुळे भाजपला कमी जागा
Just Now!
X