लोकसभेची निवडणूक अवघ्या काही दिवसांवर आलेली असताना गुजरातमध्ये काँग्रेसला मोठा धक्का बसला आहे. येथे काँग्रेसचे कार्यकारी अध्यक्ष अंबरिश डेर यांनी काँग्रेसच्या सदस्यत्वाचा राजीनामा दिलाय. विशेष म्हणजे त्यांनी हा राजीनामा देऊन लवकरच भाजपात प्रवेश करण्याचे संकेत दिले आहेत. अंबरिश हे काँग्रेसचे गुजरातधील मोठे नेते आहेत.

पक्षातून ६ वर्षांसाठी केलं होतं निंलबित

डेर यांनी काँग्रेसला सोडचिठ्ठी देण्याच्या आधी गुजरात काँग्रेसचे प्रदेशाध्यक्ष शक्तिसिंह गोहील यांनी अंबरीश यांची सर्व पदांवरून हकालपट्टी करण्यात आल्याचे तसेच त्यांना पक्षातून सहा वर्षांसाठी निलंबित करण्यात आल्याचे जाहीर केले होते. गुजरात भाजपाचे प्रदेशाध्यक्ष सी आर पाटील यांनी माजी आमदार डेर यांची भेट घेतल्यानंतर शक्तिसिंह यांनी लगेच डेर यांच्यावर करण्यात आलेल्या कारवाईची माहिती दिली होती.

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: Gujarat congress working president ambarish der resigns from party soon will join bjp prd
First published on: 04-03-2024 at 18:34 IST