माथेरानमध्ये 800 फूट खोल दरीत कोसळून एका महिलेचा मृत्यू झाला आहे. शनिवारी सकाळी ही घटना घडली. संगीता मिश्रा असं मृत महिलेचं नाव आहे. संगीता ह्या मुंबईहून पती आणि दोन मुलांसोबत माथेरान येथे फिरण्यासाठी आल्या होत्या. हे कुटुंब माथेरान येथील बेल्व्हीडीयर पॉईंट येथे गेले. या पॉइंटवर गेले असता त्यांना दगडाची ठेच लागली आणि त्यांचा तोल गेल्याने त्या आठशे फूट दरीत कोसळल्याची माहिती आहे. यावेळी त्यांच्या समवेत त्यांचे पती व लहान दोन मुली व एक मित्र होता. या अपघातानंतर स्थानिक पोलीस आणि माथेरानमधील सह्याद्री बचाव पथकाने खोल दरीत उतरुन तीन तासांच्या अथक प्रयत्नानंतर मृतहेद बाहेर काढला. या घटनेमुळे माथेरानमधील पर्यटकांच्या सुरक्षेचा प्रश्न ऐरणीवर आला आहे.
