Premium

राज ठाकरेंच्या लेकीला सोशल मीडियावर अश्लील मेसेज; शर्मिला ठाकरेंची संतप्त प्रतिक्रिया, म्हणाल्या, “माझ्या मुलीला…”

डीपफेकबाबत शर्मिला ठाकरे यांना विचारले असता त्यांनी त्यांची लेक उर्वशी ठाकरे हिच्याबाबत माहिती दिली.

Sharmila on urvashi
शर्मिला ठाकरे काय म्हणाल्या? (फोटो – लोकसत्ता ग्राफिक्स टीम आणि उर्वशी ठाकरे इन्स्टाग्राम)

डीपफेक, ट्रोलिंग, अश्लील मेसेजविरोधातील सामना सध्या प्रचंड वाढला आहे. सेलिब्रिटींपासून सामान्य घरातील मुलींना यातून जावं लागतंय. सोशल मीडियावर वावरताना आंबटशौकिन लोकांपासून सावध राहावं लागतं. सोशल मीडियावरील पोस्ट असो वा इतर कोणत्याही माध्यमावर व्यक्त होणं असो, मुलींना सध्या अधिकची काळजी घ्यावी लागते. याच अडचणीतून राजकीय नेत्यांच्या मुलींनाही जावं लागत असल्याचा धक्कादायक प्रकार आता उजेडात आला आहे. महाराष्ट्र नवनिर्माण सेनेचे अध्यक्ष राज ठाकरे यांची कन्या उर्वशी ठाकरे हिलाही असंख्य वाईट मेसेज येत असल्याचं नुकतंच शर्मिला ठाकरे यांनी माध्यमांसमोर सांगितलं.

या बातमीसह सर्व प्रीमियम कंटेंट वाचण्यासाठी साइन-इन करा

अभिनेत्री रश्मिका मंदाना हिचा डीपफेकचा व्हिडीओ व्हायरल झाल्यानंतर याप्रकरणी केंद्र सरकारने कठोर पावलं उचलण्याचा निर्णय घेतला. त्यानंतरही अनेक अभिनेत्रींना या डीपफेकला बळी पडावं लागलं. त्यामुळे आगामी काळात हे तंत्रज्ञान लोकशाहीला धोक्यात आणणारं आहे, असा सूरही अनेक नेत्यांनी आवळला. असं असतानाच राजकीय नेत्यांच्या मुलींनाही यातून जावं लागत आहे. आज राज ठाकरे यांच्या पत्नी शर्मिला ठाकरे यांना या डीपफेकबाबत पत्रकारांनी प्रश्न विचारला. त्यांच्या प्रश्नांना उत्तर देताना शर्मिल ठाकरेंनी याबाबत चिंता व्यक्त केली.

हेही वाचा >> “समुद्रात कुणी ट्रॅक्टर चालवतं का?” आदित्य ठाकरेंनी मुख्यमंत्र्यांवर केलेल्या टीकेला शिंदे गटातील मंत्री प्रत्युत्तर देत म्हणाले…

शर्मिला ठाकरे म्हणाल्या, तुम्हाला विश्वास बसणार नाही, पण मीही यातून जातेय. माझ्या मुलीला युट्यूबवर मुलं वाट्टेल तसे मेसेज करत असतात. मी स्वतः पोलीस आयुक्तांना अनंत वेळा तक्रार केली आहे. त्यांनी या प्रकरणी अटकही केली. पण आपला ब्रिटीशकालीन कायदा इतका तकलादू आहे की कितीही अटक केली तरी त्यांना सोडावं लागतं. त्यामुळे कायद्यात बदल केला पाहिजे. विधानसभेने यावर कायदा केला तरच यात बदल घडेल.

मराठीतील सर्व महाराष्ट्र बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Raj thackerays duaghter urvashi thackeray recieved weird messeges through social media says sharmla thackeray sgk

First published on: 10-12-2023 at 16:42 IST

आजचा ई-पेपर : महाराष्ट्र

वाचा