अभिनेत्री माहिका शर्मा ही सोशल मीडियाद्वारे बिनधास्तपणे तिचे मत मांडताना दिसते. २ जुन हा दिवस इंटरनॅशनल सेक्स वर्कर्स डे म्हणून साजरा केला जातो. याच दिवशी माहिकाने तिच्या आयुष्यातील एक किस्सा सांगितला आहे. त्यावेळी तिने पॉर्नस्टारशी मैत्री केल्याने अनेकजण तिला देखील पॉर्नस्टार समजत असल्याचे सांगितले. माहिकाने डॅनी डीशी जेव्हा मैत्री केली तेव्हा तिला अनेक अडचणींचा सामना करावा लागल्याचा खुलासा तिने केला आहे. 'तो माझ्या आयुष्यातील कठीण काळ होता. डॅनी सोबत मैत्री असल्यामुळे लोकं मलाही सेक्स वर्कर समजत होते. लोकं सत्य समजून न घेता माझ्यावर आरोप करायचे. त्यावेळी मला मानसिकदृष्ट्या त्रास झाला होता' असे माहिकाने सांगितले. आणखी वाचा : ‘फ्रीमध्ये मनोरंजन करु नका’, कविता कौशिकचा करण- निशाला अप्रत्यक्ष टोला पुढे माहिका म्हणाली, 'माझ्या आयुष्यात खूप काही सुरु होते. डॅनीसोबत मैत्री केल्याने मला फटका बसला होता. त्यावेळी मला जाणावले एक सेक्स वर्कर असणे कठीण असते. त्यांना जगण्यासाठी किती संघर्ष करावा लागतो. त्यानंतर मी त्यांच्यामध्ये जागरुकता निर्माण करण्यासाठी काम करु लागले. अनेकजण सेक्स वर्कर्सला चांगली वागणूक देत नाहीत. त्यांना हिंसेचा सामनादेखील करावा लागत आहे.' माहिकाने आजवर अनेक मालिकांमध्ये काम केले आहे. त्यामधील 'रामायण', 'F.I.R' आणि 'तू मेरे अगल बगल' या मालिकांमधील तिची भूमिका गाजली होती.
