बिबवेवाडी परिसरात बांधकाम सुरू असलेल्या इमारतीच्या आवारात एका तरुणाचा डोक्यात दगड घालून खून करण्यात आल्याची घटना उघडकीस आली. या प्रकरणी एकाला संशयावरुन पोलिसांनी ताब्यात घेतले आहे. बसवराज गजेंत्रे (वय २६, रा. आंबेडकरनगर, मार्केटयार्ड) असे खून झालेल्याचे नाव आहे. या प्रकरणी एकाला ताब्यात घेण्यात आले असून, याप्रकरणी बिबवेवाडी पोलीस ठाण्यात खूनाचा गुन्हा दाखल करण्याचे काम रात्री उशीरापर्यंत सुरू होते. हेही वाचा >>> रेल्वेचा मेगाब्लॉक! पुणे-मिरज दरम्यान अनेक गाड्या रद्द अप्पर इंदिरानगर परिसरात नियोजित व्यापारी संकुलाचे काम सुरू आहे. माजी नगरसेवक बाळासाहेब ओसवाल यांच्या संकल्पनेतून व्यापारी संकुल साकारण्यात येत आहे. त्याठिकाणी गाळे बांधण्यात आले आहेत. एका गाळ्यात तरुणाचा मृतदेह रक्ताच्या थारोळ्यात पडल्याची माहिती ओसवाल यांना मिळाली. त्यांनी याबाबतची माहिती पोलिसांनी दिली. त्यानंतर बिबवेवाडी पोलिसांनी तेथे धाव घेतली. त्यावेळी डोक्यात दगड घालून त्याचा खून करण्यात आल्याचे समोर आले. बसवराज व्यापारी संकुलात सुरक्षारक्षक म्हणून काम करत होता. बसववराज आणि त्याचे मित्र रविवारी रात्री गाळ्यात दारु पित होते. नात्यातील एका महिलेविषयी बसवराज वाईट बोलला होता. या कारणावरुन मित्राचा बसवराजशी वाद झाला. बसवराजच्या डोक्यात दगड घालून तो पसार झाला. वरिष्ठ पोलीस निरीक्षक विनय पाटणकर यांच्या मार्गदर्शनाखाली तपास करण्यात येत आहे.
