Nothing Phone 2 open sale in India to start today: Nothing ने या महिन्याच्या सुरुवातीला आपला दुसरा Nothing Phone 2 सादर केला आहे. कंपनीने गेल्या वर्षी आपला पहिला हँडसेट फोन १ सादर केला होता. फोन 2 आज विक्रीसाठी आला आहे. कंपनीने हा फोन आधीच्या मॉडेलपेक्षा अधिक प्रीमियम किंमत आणि फीचर्ससह लॉन्च केला आहे. यामध्ये तुम्हाला Qualcomm Snapdragon 8+ Gen 1 प्रोसेसर मिळेल. याशिवाय कंपनीने नवीन GLYPH इंटरफेस दिला आहे. Nothing Phone 2 ड्युअल रियर कॅमेरा सेटअपसह येतो. चला जाणून घेऊया त्याची किंमत आणि त्यासोबत उपलब्ध ऑफर्सची माहिती. Nothing Phone 2 किंमत कंपनीने हा फोन तीन कॉन्फिगरेशनमध्ये लॉन्च केला आहे. या फोनमध्ये ८GB RAM + १२८GB स्टोरेज व्हेरिएंट ४४,९९९ रुपयांना येतो. त्याचवेळी, त्याचे १२GB RAM + २५६GB स्टोरेज वेरिएंट ४९,९९९ रुपयांना मिळेल. फोनचा टॉप व्हेरिएंट १२GB रॅम + ५१२GB स्टोरेजसह ५४,९९९ रुपयांना मिळेल. (हे ही वाचा: Maruti Swift चा खेळ संपवायला लागली ‘ही’ टाटाची स्वस्त कार, खरेदीसाठी होतेय मोठी गर्दी, किंमत फक्त… ) कुठून खरेदी करता येईल? तुम्ही फ्लिपकार्टवरून हँडसेट खरेदी करू शकाल. यावर अॅक्सिस बँकेच्या डेबिट आणि क्रेडिट कार्डवर ३ हजार रुपयांची सूट उपलब्ध आहे. आज दुपारी १२ वाजतापासून हा स्मार्टफोन विक्रीसाठी उपलब्ध झाला आहे. Nothing Phone 2 च्या पहिल्याच सेलमध्ये हा स्मार्टफोन घेणाऱ्यांना स्मार्टफोन सोबतच महागडे Nothing प्रोडक्ट्सही फ्रीमध्ये मिळणार, असे कंपनीने सांगितले आहे.
