विद्या प्रसारक मंडळाचे के.ग.जोशी कला आणि ना.गो.बेडेकर वाणिज्य महाविद्यालयातील मराठी विभागाच्या प्रा.रुपेश यशवंत महाडीक यांना कोकण ग्राम विकास संस्थेतर्फे “आदर्श अध्यापक पुरस्काराने ” सन्मानित करण्यात आले. मराठी ग्रंथ संग्रहालय,ठाणे येथे संपन्न झालेल्या कार्यक्रमात गप्पागोष्टीकार जयंत ओक यांच्या हस्ते सदर पुरस्कार प्रदान करण्यात आला. विद्या प्रसारक मंडळाचे अध्यक्ष डॉ. विजय बेडेकर आणि डॉ.महेश बेडेकर विश्वासाने तसेच प्राचार्या डॉ.सुचित्रा नाईक यांनी अभिनंदन केले.

प्राध्यापक रुपेश महाडीक यांचा अल्प परिचय

प्राध्यापक रुपेश महाडीक यांनी अतिशय प्रतिकूल परिस्थितीवर मात करून मराठी विषयात पदव्युत्तर शिक्षण,सोबतच सेट, नेट आणि एलएलबीचे शिक्षण त्यांनी पूर्ण केले. विद्यार्थीप्रिय पण त्याचसोबत शिस्तप्रिय असणारे प्रा.रुपेश महाडीक हे मागील १४ वर्षे शैक्षणिक क्षेत्रात कार्यरत आहेत. त्यांनी विद्यार्थी दशेपासूनच अनेक स्पर्धा उपक्रमांमध्ये आपल्या यशाचा ठसा उमटवला आहे. रांगोळी स्पर्धा, पाककला स्पर्धा, नृत्य,नाटक,पथनाट्य,वक्तृत्व अशा विविध स्पर्धांमधून त्यांनी उत्तम यश प्राप्त केले.मुंबई विद्यापीठाच्या ‘उडान’ या कार्यक्रमात महाडीक सरांनी लेखन ,दिग्दर्शिन आणि अभिनय केलेल्या स्किटला प्रथम पारितोषिक प्राप्त झाले होते.अनेक आंतरमहाविद्यालयीन स्पर्धेत त्याचसोबत नावाजलेल्या विविध वक्तृत्व स्पर्धांमध्ये त्यांनी अभिमानास्पद कामगिरी केली आहे.

Thane News (ठाणे न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.
Web Title: Thane college professor rupesh mahadik honored with adarsh teacher award scj
First published on: 04-04-2024 at 18:20 IST