३० एप्रिल २०२२ हा दिवस ग्रह आणि नक्षत्रांच्या दृष्टीने खूप खास असणार आहे. या दिवशी सूर्यग्रहण असून एकाच रांगेत चार ग्रह दिसणार आहेत. याप्रमाणे ग्रहांच्या रेषेत येण्याचा हा अद्भुत योगायोग सुमारे १००० वर्षांनंतर घडला आहे, असं म्हटलं जातंय. अशाप्रकारे ग्रह एका रेषेत येण्याला प्लॅनेट परेड म्हणतात. एप्रिलच्या शेवटच्या आठवड्यात शुक्र, मंगळ, गुरू आणि शनि यासह चार ग्रह एकापाठोपाठ येण्यास सुरुवात झाली असून ३० एप्रिल रोजी ते सूर्योदयाच्या १ तास आधी पूर्व दिशेला एका सरळ रेषेत एकत्र दिसतील. यापूर्वी असा विलक्षण नजारा इ.स. ९४७ मध्ये पाहायला मिळाला होता असे म्हणतात. जेव्हा ग्रह एका रेषेत दिसतात तेव्हा या घटनांना प्लॅनेट परेड म्हणतात. थोडक्यात सांगायचे तर, ही ग्रहांची परेड तीन प्रकारची आहे. प्रथम, जेव्हा सूर्यमालेतील ३ ग्रह सूर्याच्या एका बाजूला येतात. दुसरे, जेव्हा एकाच वेळी आकाशाच्या एका छोट्या भागात काही ग्रह एकत्र दिसतात. तिसरे, जेव्हा ४ ग्रह एकाच ओळीत दिसतात. ही दुर्मिळ ग्रहांची परेड आहे आणि सध्याची ग्रहांची परेड अशीच आहे. Vastu Tips: घरात चुकूनही चपला ठेवू नका उलट्या; कुटुंबावर होऊ शकतो वाईट परिणाम एप्रिलच्या शेवटच्या आठवड्यात हे चार ग्रह एकापाठोपाठ एकत्र येऊ लागले होते. या अंतर्गत शुक्र, मंगळ, गुरू आणि शनि हे चंद्राच्या पूर्व क्षितिजापासून ३० अंशांवर दिसणार होते. यानंतर, ३० एप्रिल २०२२ रोजी, हे दृश्य सर्वात आश्चर्यकारक असेल. सूर्योदयाच्या एक तास आधी, या दिवशी सर्वात तेजस्वी ग्रह शुक्र आणि गुरू एकमेकांच्या अगदी जवळ दिसू शकतील. शुक्र गुरूच्या दक्षिणेस ०.२ अंश असेल. आकाश निरभ्र असले आणि प्रदूषण नसले तर दुर्बीण किंवा दुर्बिणीच्या मदतीने या ग्रहांची रेषा पाहता येईल.
