लोकसत्ता प्रतिनिधी

छत्रपती संभाजीनगर : जमिनीचा अकृषिक परवाना काढून देण्यासाठी ३० हजारांच्या लाचेची मागणी करून तडजोडीअंती १५ हजार रुपये घेताना एका खासगी व्यक्तीला पकडण्यात आले असून त्याने बीडमधील सहायक नगररचनाकारासाठी लाच मागितल्याचे स्पष्ट झाले. याप्रकरणी बीड लाचलुचपत प्रतिबंधक विभागाच्या पथकाने लावलेल्या सापळ्यात सहायक नगररचनाकार प्रशांत शिवाजी डोंगरे (वय २९), व्यवसाय अभियंता नीलेश सोपान पवार व खासगी व्यक्ती तथा अभियंता शेख नेहाल शेख अब्दुल गणी (वय ३०) हे तिघे अडकले असून त्यांच्याविरुद्ध बीड पोलीस ठाण्यात गुन्हा दाखल करण्याची प्रक्रिया बुधवारी सायंकाळपर्यंत सुरू होती.

navneet rana uddhav thackeray
“मी पराभूत झालेय, उद्धव ठाकरेंनी आता तरी…”, नवनीत राणांचं वक्तव्य चर्चेत
Maharashtra Lok Sabha Election Result 2024 Updates in Marathi
Maharashtra Lok Sabha Election Result 2024: महाराष्ट्रातील ४८ मतदारसंघात काय आहे स्थिती? कुणाला मिळाला विजय; कोण आघाडीवर? जाणून घ्या…
What Kangana Said?
कंगनाचा धक्कादायक दावा, “कोणतीही नवी हिरोईन आली की तिला दाऊदसमोर..”
Chief Minister Eknath Shinde refused to answer a question on the implementation of the package
पॅकेजच्या अंमलबजावणीवर मुख्यमंत्र्यांची सारवासारव; मराठवाडातील टंचाई आढावा बैठक वेळकाढूपणा असल्याची विरोधकांकडून टीका
Deliberately ignoring the uncontrolled extraction of ground water and its use by the leaders of the state
राज्यात भूजल वापर, नियंत्रणात बजबजपुरी
latur, Anandwadi Village, nilanga tehsil, Anandwadi Village Rejects Election Bribes, Election Bribes,Women Led Governance, Women Led Governance in Anandwadi Village, Anandwadi Village latur,
निवडणुकीमध्ये पैसे नाकारणारे मराठवाड्यातील गाव
yogendra yadav
“लोकसभेच्या निकालानंतर अजित पवार आणि एकनाथ शिंदे…”, योगेंद्र यादव यांचं मोठं विधान!
Mahavitaran technician assaulted case filed against accused
छत्रपती संभाजीनगर : महावितरणच्या तंत्रज्ञास मारहाण; गुन्हा दाखल

आणखी वाचा-छत्रपती संभाजीनगर : लाखांचे तीन लाख करुन देणारा भोंदूबाबा पकडला

यातील तक्रारदाराचे यळंबघाट शिवारात गट क्रमांक ५८० अ (१) मधील २०.५० आर क्षेत्राचा अकृषिक परवाना काढायचा होता. त्यासाठी त्यांनी ऑनलाईन अर्ज बीपीएमएस पोर्टलवर नीलेश पवार याच्यामार्फत नोंदणी केली. यासंदर्भातील प्रस्ताव बीडच्या उपविभागीय अधिकारी कार्यालयाकडे पाठवून पुढील कार्यवाहीसाठी नगररचना कार्यालयात पोहोचल्यानंतर नीलेश पवार याने सहायक तथा प्रभारी नगररचनाकार प्रशांत डोंगरे याच्यासाठी ३० हजारांची मागणी २ एप्रिल २०२४ रोजी केली. यामध्ये १५ हजारांची तडजोड करून ती रक्कम बुधवारी शेख नेहाल याच्याकडे देण्यास सांगितले. पंचासमक्ष शेख रक्कम स्वीकारताना लाचलुचपत प्रतिबंधक विभागाचे उपअधीक्षक शंकर शिंदे, पोलीस निरीक्षक गुलाब बाचेवाड यांनी लावलेल्या सापळ्यात अडकला. शेख नेहालसह नीलेश पवार या दोघांनाही ताब्यात घेण्यात आले आहे.