Budget 2018: बजेटमध्ये शिक्षणाचा दर्जा सुधारण्यासाठी अनेक तरतुदींची घोषणा

शिक्षणाचा दर्जा सुधारण्यासाठी तंत्रज्ञानाची मदत घेण्यात येणार

Education Union Budget 2018-19
(संग्रहीत प्रतिकात्मक छायाचित्र) Education Union Budget 2018-19

केंद्रीय अर्थमंत्री अरूण जेटली यांनी गुरूवारी संसदेत मोदी सरकारचा पाचवा अर्थसंकल्प सादर केला. आगामी लोकसभा निवडणुकींचा शेवटचा अर्थसंकल्प म्हणून याकडे उद्योगविश्व आणि सामान्यांचे लक्ष लागले होते. जेटली यांनी गुरूवारी संसदेत सादर केलेल्या अर्थसंकल्पात शिक्षण क्षेत्रासाठी अनेक महत्त्वपूर्ण योजनांची घोषणा केली. या अर्थसंकल्पात शेती, गरीबी आणि शिक्षण या तीन मुख्य मुद्यांवर जास्तीत जास्त भर देण्यात आला. देशातील युवकांना चांगल्या दर्जाचे शिक्षण देण्याबरोबर त्यांना रोजगाराभिमुख बनवण्यास सरकार कटिबद्ध असल्याचे त्यांनी सांगितले.

देशातील शिक्षणाचा दर्जा चिंतेची बाब असून , दर्जा सुधारण्यासाठी तंत्रज्ञानाची मदत घेण्यात येणार असल्याची घोषणा जेटली यांनी केली. यासोबतच शिक्षकांनाही योग्य ते प्रशिक्षण देण्यात येईल असेही ते म्हणाले. देशातील शिक्षणाचा दर्जा चिंतेची बाब असून , दर्जा सुधारण्यासाठी तंत्रज्ञानाची मदत घेण्यात येणार असल्याची घोषणा जेटली यांनी केली. यासोबतच शिक्षकांनाही योग्य ते प्रशिक्षण देण्यात येईल असेही ते म्हणाले.

काही महत्वपूर्ण तरतुदी पुढीलप्रमाणे…

⦁ शिक्षणाचा दर्जा चिंतेची बाब, दर्जा सुधारण्यासाठी तंत्रज्ञानाची मदत घेणार

⦁ देशभरात १ लाख कोटी रुपयांचा निधी शिक्षणाच्या क्षेत्रात खर्च करण्याची जेटलींची घोषणा

⦁ दर्जा सुधारण्यासाठी शिक्षकांना प्रशिक्षण देणार

⦁ डिजीटल शिक्षणावर अधिक भर

⦁ प्री- नर्सरी ते बारावीपर्यंतच धोरण एकच राहील याची काळजी घेणार

⦁ आदिवासी मुलांना दर्जेदार शिक्षण देण्यासाठी एकलव्य स्कूल उभारणार

⦁ बडोद्यात रेल्वे विद्यापीठ तयार करणार

⦁ २४ नवीन मेडिकल कॉलेज देशभरात उभारणार, आरोग्य सुधारणा केंद्र उभारण्यासाठी १२०० कोटी

⦁ पंतप्रधान रिसर्च फेलो स्कीम १००० विद्यार्थ्यांना रिसर्चची संधी

⦁ आर्किटेक्चरसाठी नवीन कॉलेज

⦁ ५६ हजार कोटींचा निधी अनुसुचित जातींच्या विकासासाठी मंजूर

 

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व अर्थसंकल्प २०१८ बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Union budget 2018 19 india education sector news in marathi