27 September 2020

News Flash

“काश्मीरच्या रस्त्यांवर मृतहेद दिसत नाही म्हणजे सर्व काही ठीक आहे असं नाही”

श्रीनगरचे महापौर जुनैद आजिम मट्टू यांचे विधान, राजकीय नेत्यांच्या नजरकैदेवरून सरकारवर टीका

जम्मू-काश्मीरचे कलम ३७० हटवण्यात आल्यानंतर काश्मीरच्या परिस्थितीबाबत रोज विविध बातम्या येत आहेत. सरकारकडून दावा केला जात आहे की या ठिकाणचे निर्बंध हळूहळू शिथील केले जात आहेत. तर याच पार्श्वभूमीवर श्रीनगरचे महापौर जुनैद आजिम मट्टू यांनी मोठे विधान केले आहे. त्यांनी म्हटले आहे की, काश्मीरच्या रस्त्यांवर मृतदेह दिसत नाहीत याचा अर्थ असा नाही की येथे सर्व काही ठीक आहे. येथील परिस्थिती सर्वसामान्य होईल अशी अपेक्षा बाळगणे देखील अवास्तविक गोष्ट आहे. राजकीय नेत्यांना ताब्यात घेतले जाण्याचे भाजपा सरकारचे धोरण हे पुर्णपणे त्यांच्या विशेष मोहिमेचाच भाग आहे.

शिवाय त्यांनी यावेळी राज्यातील नेत्यांना नजरकैदेत व ताब्यात ठेवण्यात आल्यावरूनही टीका केली आहे. केंद्र सरकारच्या आदेशानुसार जम्मू व श्रीनगरच्या महापौरांना राज्यमंत्र्याचा दर्जा देण्यात आलेला आहे.

महापौर जुनैद मट्टू यांनी हे देखील म्हटले की, अद्यापही असे अनेक परिवार आहेत जे आपल्या परिवारीत अन्य सदस्यांची बोलू शकत नाहीत. केंद्र सरकारच्या निर्णयामुळे त्यांच्या अस्तित्वावरच संकट आले आहे. आम्ही सदैव हिंसाचाराच्या धोक्याबरोबर जगत आहोत. हे काही नवी परिस्थिती नाही. महापौर जुनैद हे सज्जाद लोन यांच्या जम्मू – काश्मीर पीपल कॉन्‍फरेन्‍स पार्टीचे प्रवक्ते आहेत. जम्मू-काश्मीर संबंधी निर्णयानंतर ताब्यात घेण्यात आलेल्या नेत्यांमध्ये सज्जाद लोन यांचाही समावेश आहे.

परराष्ट्रमंत्री एस जयशंकर यांनी जम्मू-काश्मीरमध्ये प्रतिबंध घालणे योग्य असल्याचे म्हटले होते. मागील आठवड्यात त्यांनी म्हटले होते की, दहशतवाद्यांना रोखण्यासाठी अशाप्रकारच्या उपाययोजना करणे गरजेचे होते.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on September 3, 2019 2:43 pm

Web Title: kashmir no bodies does not mean that all normal srinagar mayor junaid azim mattu msr 87
Next Stories
1 पत्नीला स्वयंपाक करता येत नाही हे घटस्फोटाचं कारण असू शकत नाही: उच्च न्यायालय
2 आर्थिक मंदी मान्य करा, हेडलाईन मॅनेजमेंट पुरे झालं- प्रियंका गांधी
3 काश्मीरसंबंधी इम्रान खान सरकारकडे सबळ पुरावेच नाहीत, ICJ कोर्टातील पाकिस्तानी वकिलाची कबुली
Just Now!
X