News Flash

प्रजासत्ताक दिनी दहशतवादी हल्ल्याचा धोका!; दिल्ली पोलीस अधिक सतर्क

वॉण्टेड दहशतवाद्यांचे पोस्टर जागोजागी लावण्यात आले.

देशाचा प्रजासत्ताक दिन(२६ जानेवारी) अवघ्या काही दिवसांवर आलेला असताना, एक धक्कादायक माहिती समोर आली आहे. खलिस्तानी आणि अल कायदा सारख्या दहशतवादी संघटनांकडून या महत्वाच्या दिवशी दहशतवादी हल्ला घडवला जाऊ शकतो, अशी गुप्तचर यंत्रणांकडून दिल्ली पोलिसांना माहिती मिळाली आहे. यानंतर आता दिल्ली पोलीस अधिकच सतर्क झाले असून, सुरक्षा व्यवस्था अधिकच कडक करण्यात आली आहे.

या माहितीच्या पार्श्वभूमीवर दिल्ली पोलिसांकडून काही वॉण्टेड दहशतवाद्यांचे पोस्टर देखील जागोजागी लावण्यात आले आहेत. तसेच, संशयितांची शोधमोहीम देखील सुरू करण्यात आली आहे. सध्या दिल्लीच्या सीमांवर सुरू असलेल्या शेतकरी आंदोलनाचा फायदा घेत, प्रजासत्ताक दिनी दहशतवादी कारवाई घडण्याची शक्यता वर्तवली जात आहे.

दिल्लीतील कॅनॉट प्लेसचे पोलीस उपअधीक्षक सिद्धार्थ जैन यांनी याबाबत माहिती देताना सांगितले की, ”खलिस्तानी व अल कायदासह काही दहशतवादी संघटनांकडून प्रजासत्ताक दिनी गोंधळ निर्माण केल्या जाऊ शकतो, अशी आम्हाला माहिती मिळाली आहे. या पार्श्वभूमीवर आम्ही वॉण्टेड दहशतवाद्यांचे पोस्टर्स लावण्यासह काही पावलं उचचली आहेत.”

दरवर्षीच दिल्लीत १५ ऑगस्ट व २६ जानेवारी सारख्या महत्वाच्या दिवशी सुरक्षा व्यवस्थांसमोर अनेक आव्हानं निर्माण होत असतात. दहशतवाद्यांकडून या महत्वाच्या दिवशी हल्ला घडवून आणण्यासाठी पुरेपूर प्रयत्न होत असतात. मात्र सुरक्षा व्यवस्था अधिकच सतर्क राहत असल्याने, त्यांना यामध्ये यश येत नाही. यंदा दहशतवादी संघटना शेतकरी आंदोलनाचा फायदा करून घेण्याच्या प्रयत्नात दिसत आहेत.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on January 17, 2021 4:31 pm

Web Title: some terrorist organisations including khalistani outfits and al qaeda may carry out unwanted activities on jan 26 msr 87
टॅग : Republic Day
Next Stories
1 वेब सीरीजवरून मुंबई ते दिल्ली ‘तांडव’! भाजपा खासदाराने माहिती व प्रसारण मंत्र्यांकडे केली मोठी मागणी
2 हे राम! अयोध्येतील मंदिराच्या नावावर उकळत होते पैसे; हिंदू कार्यकर्त्यांवर गुन्हा दाखल
3 लाल किल्ल्यावर तिरंगा फडकवू न देण्याच्या बातम्या खोट्या; बदनामी सुरु असल्याचा शेतकरी संघटनेचा आरोप
Just Now!
X